هل رسم الأطفال ناتج عن موهبتهم أم رسم الأطفال ممكن يكون بناء على خبرة مكتسبة من إللي اتعلموه أو اتدربوا عليه؟

 صعب بس خلونا نحاول نجاوب عليه.... في البداية احنا بنعتقد إن القدرة على الرسم موجودة عند جميع الأطفال وأنها شيء طبيعي وبنشوفه في عملية نمو أي طفل إنه يمسك القلم أو الألوان ويبدأ يرسم. كلنا كنا أطفال وكمان شوفنا أطفال بترسم. بيرسموا على الأبواب والحوائط والأوراق بيرسموا في كل مكان وعلى أي حاجة. ده معناه إن الرسم هو وسيلة من وسائل التعبير عن النفس إللي بيستخدمها الطفل علشان يعبر عن نفسه، عن فكرته أو عن مشاعره. بمعنى أخر الرسم هنا بيتحول لوسيلة للتواصل زيه زي الكلام. فمحاولات الطفل للرسم هي شيء طبيعي بيمارسه الطفل كمحاولاته للمشي والكلام.

سؤال : ما هو سبب توقف الطفل عن الرسم ؟

ربما الإجابة أن هناك سببين .

- زي ما قلنا الطفل الصغير بيستخدم الرسم كوسيلة للتواصل لكن إللي بيحصل إن احنا الكبار بنساعد الطفل على الكلام كوسيلة للتواصل بنصحح له كلماته ونطقه وبنتكلم معاه ونمارس معاه الكلام ونشجعه على إنه يتكلم. بعكس إللي بيحصل مع الرسم فمعظمنا مبيعرفش يرسم علشان كدة مش بنعرف نتواصل في إللي يخص الرسم. ومن ناحية تانية ممكن عدم التشجيع أو طريقة التوجيه تكون سبب برضه في توقف الطفل عن الرسم. فالرسم بيخرج من الطفل بشكل طبيعي لكنه بيحتاج ممارسة وتشجيع وطريقة خاصة في التوجيه علشان نخرج الإبداع إللي جواه 

- من ناحية تانية مع نمو الطفل ووصوله لسن 8 أو 9 سنين بنلاقي إن هنا الطفل بيبتدي يدرك إن رسوماته ممكن تكون مش حلوة زي زمايله. وهيبتدي يقارن نفسه بالأطفال الآخرين، إللي رسوماتهم هو ممكن يشوفها أحسن من رسوماته وممكن يكون سبب ده إن عندهم موهبة فطرية أو عندهم أسرة مشجعة بتدعمهم وتشجعهم. وللأسف في الحالة دي الطفل بيتوقف عن الرسم بسبب الخجل من رسوماته إللي هو بيعتقد أنها أقل من رسومات الأطفال الآخرين وكمان لإن مفيش حد بيشجعه وينمي موهبته .

 

ahmedkordy

خدمات البحث العلمي 01009848570

  • Currently 0/5 Stars.
  • 1 2 3 4 5
0 تصويتات / 474 مشاهدة
نشرت فى 5 إبريل 2024 بواسطة ahmedkordy

أحمد السيد كردي

ahmedkordy
»

ابحث

تسجيل الدخول

عدد زيارات الموقع

30,141,161

أحمد السيد كردي

موقع أحمد السيد كردي يرحب بزواره الكرام free counters