مـأســـــاة بحـــــر البقـــــر
دكتور: عبد العاطى سالمان
الله أكبـر ** الفجـر أذن ** الـلـه أكـبـر
قومى ياخضــرة ** عـشــان نصــــلى
وخـاضـــرة تسمـع ** كـلام عــويــس
وتقــــــوم مـعاه ** وتقـــــول وراه
نويت أصلى ** الصبـح حــاضر** اللـه أكـبر
*****
عـويس وخـاضرة ** فـلاح وزوجتــــه
عـــايشين حياتهـم ** بقـريـة هاديــة
عيشـة سعيـدة ** باحمـد ** وفـاطـمـــة
أمـل حيـاتهم ** يبقـى ولادهـم ** أحسن دكاترة
*****
بعد الــســــلام ** ختــموا الــصــلاة
وعــويس يقول ** يــالــه يـــاحلـوه
صــحى الولاد ** وفــطـريـهــــم
أمــا آنـا رايــح ** لحد غيطنــــا
أروى الـزراعـه ** دى الميــه جــاتنــا
وأجـيب مـعايـا ** قـرنيـــن حـراتـــى
نتغــدى بيـهـــم ويــا الـــــولاد
*****
وخــاضرة قـالت ** الـوقت بــدرى
خلـى الـجـبـايب ** نايمـين شــوية
وهـى راحــت ** للبقــرة جـــوه
تحـلب لبنهــا ** فـــى فخــرتها
وبعـد سـاعة ** الصبـح نــــــور
والأم نـادت ** لأحمــد وفـاطمـة
قـوم.. يا حمـادة ** يـاحلـو.. ياسـمر
وأنـت يا قـطــة** يالـه يا سكر
*****
أحمـد وفاطمــة ** لبسـوا هدومهـم
سـت الحبـايب ** جـابت فطــورهم
بــإيديـن حـنـونة ** وأكلــــــتهم
وبــرمـش عينهـا ** وســـرحتهم
*****
وباسـت أحمـد ** وأختـه فاطـمـة ** وودعتــــــهم
بعـد الوصـايا ** يـاولاد ضـــرورى.. تخلى بالكم
ومـاتغيبوش.. بعـد الخـــروج ** مــــن مـدرستكم
حــاضر يـأمى ** وخــدوا كتبـهم ** وكـراستهم
*****
خـرج الـولاد لمـدرستهـم ** زى الزهــــــور
اليـوم كـان أربـع ** والجـو صــافى ** والــدنيا نـور
دق الجـــــرس ** دخلـــوا فصولهم ماشيين طابور
وجـه المــدرس ** أسمر بلون النيل ** واسمـه عــاشور
*****
بــدأ التــلامذه ** درس الصــبـــــاح
بقلوب بـريئة..وعيـون جميـلة ** لـون الصبـاح
وعاشور أفندى.. يشرح ويسأل ** بعــد الإيضــاح
فجـأة ** رعـد ** بــارود ** والـدم ســاح
*****
أتـارى كـان فى السمـا ** فــانتوم سـايقها جبـان
بـص فـى خريطتة ** شـاف الهـدف 00 مدرسة
بحـر البقـر ** أضـرب ** بأمـر ديـــان
وصـب ظلم الجبابرة ** شيطان فى ثوب أنسان
*****
ثمانية ابريل ** بحر البقر ** صبحت وليمة للذئاب
بصــوا ياعالـم ** سبعين ملاك تحت الـتراب
حاضنين آلامهم ** وأحلامـهـم ** طـواها كتـاب
والـدم لون كرارسهم ** وأناتهم ** عـذاب فى عذاب
*****
وجرى الجميع ** للمدرسة ** صــوب الأنــين
وبسـرعة راحوا ** يـرفعوا ** الطـوب الحـزين
من فوق ولادهــم ** وفـى عيـونـهم ** ألم ملايين
لموا جثث أطفال ** فى عمر الزهر ** لـسه صغيرين
*****
عويس وخاضره ** واهـل البـلد ** حملوا الـولاد
قلوب كثيرة ** كانت معاهم ** تقدر تقول ** كل العباد
مشهـد رهيب ** شافوا الحجر ** من رهبتة ** أصبح رماد
ومــع الهـــدير ** دفنــوا الولاد ** والكل عاد
*****
وبصوت حزين** زى أنـات الـرباب
خاضرة تقول : أحـسن دكـاترة ** فى التراب
وعويس يقول:خاضرة ** إنت فاكره إن ده ** يبقى تراب
ده مـش تــراب ** دى أرضنــــــــا
دى حتــه مـن روحنـا ** دى هيه قلبنـــا
فيهـا اتــولد ** أجـــــداد لنـــــــا
ناس من العظام ** واللا انتي ناسية.. أصلنا
*****
عشـان كـده ** مايهمناش موت الولاد أو الدمار
وحياة ولادي وحياة بلادي علي الأعادي لاشعلها نار
حاضرب بلادي في الأراضي واهزها
وابعت حصادها للرجال إللي علي شط القنال بيحموا عزها
***
كل اللي عايزه نجيب سلاح*** نعمل سبق في عبور جيوشنا للقنال
ونحررك يا أرض سينا من اللئام *** ونورك بعض الظلام
ترجع فلسطين الحبيبة لأهلها
والطير يغني للسلام
ليكم يا أحباب السلام
ساحة النقاش