نظرات

موقع اجتماعي سياسي و تربوي ونفسي يهتم بالطفل وتربيته وقصصه


نظرا لأن النعمة فاقت حدها

ولأننا مش قدها

ولأن فعلا انجازاتك

فوق طاقتنا نعدها                      

ولأننا غرقنا في جمايل

مستحيل حنردها

نستحلفك ……. نسترحمك

نستعطفك …….نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارفه شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد ‘غازه’ لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد ‘مستوطنة ‘

متسلطنة بالسرطنة

إيه اللي خدناه م الكرامة والإباء

حبة خطب وكلام…كلام

إحنا راهننا على النظام

ورضينا بخيار السلام

بخيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يلا اطرده من رحمتك

وإن كنت غاوي الحكم

خليك مطرحك

حاغطس واقب وأعود

بشعب يريحك

راضى وعمره مايجرحك

أخرس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

المصدر: منقول
nazrat

bardisyblue@hotmail.com

  • Currently 63/5 Stars.
  • 1 2 3 4 5
19 تصويتات / 534 مشاهدة
نشرت فى 11 فبراير 2011 بواسطة nazrat

ساحة النقاش

momnbrdisi@hotmail.com

الله ينور عليك ياأخي محمد مسعد البرديسي على اختيارك الموفق لقصيدة الشاعر نجم,, وأنا الحقيقة خجلان من نفسي ومن الشباب العظيم اللي سبقوتا وتفوقوا علينا وهدوا قلاع الظلم ،، واحنا قاعدين نتفرج ,,, وعايز كمان نجني معاهم تمار الثورة العظيمة ,,, احنا المفروض يطردونا مع هذا الطاغية ..... اخص علينا اخص والف عار

mohamedsaif

والله يا جماعة ياريته ضربنا أحنا الضربة الجوية وراح حكم إسرائيل 30 سنة ههههه

محمدمسعدالبرديسي

nazrat
( نظرات ) موقع إجتماعي يشغله هم المجتمع سياسيا وتربويا بداية من الاسرة الى الارحام من جد وعم وخال الى آخره , الاهتمام السياسي أساسه الدين النصيحة و يهتم بالثقافةبألوانها ويعد الجانب النفسي والاهتمام به محور هام في الموقع كذلك الاهتمام بالطفل ثقافة وصحة »

ماذا تود البحث عنه ؟

تسجيل الدخول

عدد زيارات الموقع

539,328

مصر بخير

                         
* الشكر واجب للسيد العقيد هشام سمير  بجوازات التحرير , متميز في معاملة الجمهور على أي شاكلة ..

* تحية للمهندس المصري محمد محمد عبدالنبي بشركة المياه