هندسة الانتباه

العلوم والفنون والآداب

‫#‏هايدلينا  

بقلم 

الشاعرة/ منى المنير


يا شريان بلادنا يا شارب هموم
نكد لو تنام مرض لو تقوم
وحتى المريض ما حدش يساعده
دا سبوبه حلوه يتاجروا بتعبه
يا ناس يا مستكينه..
نسيتوا (هايدلينا) ؟
نسيتوا دمنا؟
سموم و ساريه فينا
و ناس تضرنا
وليه طيب يتاجروا ....
بدم المعدمين؟
التاجر دا يا فُجره
كرشه يا ناس سمين
كرشه قد البلد
يا ما ضر الولد
الي رايح بمرضه
وابوه شايله و سانده
عشان حبة دما 
يا ناس ما فيش خِشا
كيس الدم المسمم
ملا كل الوريد
والواد الي بيحلم
يخف من جديد
غمض عينيه وسلم
و فارق الحياه.....
و القاتل يا هناه
عايش سعيد ما بيننا
و العيله مطمأنه 
ويلك يا قاضي دنيا
من ربنا ف سماه
وآه يا مصر ..آه
لإمتى هتنزفي؟
شايفه الجرح ف وريدك
مش راضيه تكشفي
لا حد جه يطبب
ولا قادره تعرفي
تحاكمي الي جرحك
تجيبيه و تكلبشي؟
‫#‏مصر
‫#‏منى_المنير

 

 

  • Currently 0/5 Stars.
  • 1 2 3 4 5
0 تصويتات / 94 مشاهدة
نشرت فى 8 فبراير 2015 بواسطة elhaisha

ساحة النقاش

محمود سلامة محمود الهايشة

elhaisha
محمود سلامة الهايشة - باحث، مصور، مدون، قاص، كاتب، ناقد أدبي، منتج ومخرج أفلام تسجيلية ووثائقية، وخبير تنمية بشرية، مهندس زراعي، أخصائي إنتاج حيواني أول. - حاصل على البكالوريوس في العلوم الزراعية (شعبة الإنتاج الحيواني) - كلية الزراعة - جامعة المنصورة - مصر- العام 1999. أول شعبة الإنتاج الحيواني دفعة »

ابحث

تسجيل الدخول

عدد زيارات الموقع

1,882,107