هندسة الانتباه

العلوم والفنون والآداب

وسيه..قصيدة للشاعرة منى المنير


الوسيه .. 
قلنا جايه..
كله إتنأور عليا ...
كممونا..
موتونا...
و ف سجونهم البقيه .. 
سايبه غيرنا ..
ليه ف خيرنا.. ..
قال و ايه اسمك بهيه... 
يا بهيه ..
دا العصابه مفتريه..
جايه تتشطر عليا..
ماصه دمك ..
لو هاقولك..
دمعتك تنزل سخيه....
الديابه سكنوا بيتنا...
ف الشوارع و ف حارتنا..
دايره تتأمّر عليا.... 
رايحه حبه و حبه جايه...
لو حاولت مره انطق... 
العيون على طول تبرّق
القاهم ف اللحظه ديا.....
نزلوا ضرب و رزع فيا...
قالوا طاطي... 
مش هطاطي... 
ولا عمري اكون هفيه...
هافضل الشوكه ف حلوقهم...
مش هاكون تابع لشوقهم....
و الخيانه الي ف عروقهم... 
مش هتكسر حاجه فيا
يا وسيه يا غبيه
خدي مني دروس كتيره
عزة النفس الكبيره
من ميلادي عايشه فيا
مصر بلدي مش هاسيبها
لو تعوز لو حتى روحي
روحي تبقى من نصيبها
يا عصابه غوري ...غوري
النهارده جاي دوري
مصر ترجع السفينه 
نبقى ليها و تبقى لينا
و انتو تفعصكم ايدينا...
وانتو ..تفعصكم إيدينا 
‫#‏مصر
‫#‏منى_المنير

 

  • Currently 0/5 Stars.
  • 1 2 3 4 5
0 تصويتات / 108 مشاهدة
نشرت فى 11 فبراير 2015 بواسطة elhaisha

ساحة النقاش

محمود سلامة محمود الهايشة

elhaisha
محمود سلامة الهايشة - باحث، مصور، مدون، قاص، كاتب، ناقد أدبي، منتج ومخرج أفلام تسجيلية ووثائقية، وخبير تنمية بشرية، مهندس زراعي، أخصائي إنتاج حيواني أول. - حاصل على البكالوريوس في العلوم الزراعية (شعبة الإنتاج الحيواني) - كلية الزراعة - جامعة المنصورة - مصر- العام 1999. أول شعبة الإنتاج الحيواني دفعة »

ابحث

تسجيل الدخول

عدد زيارات الموقع

1,883,507