صاحب اشهر أغنية للغربة ، اتشهرت ، وهو بيها اصبح اشهر مغمور ، عبده السروجي مغني غريب الدار علي جار زماني ، بدا حياته بياع جرايد بينادي اخبار أهرام جمهورية ، وصوته يجلجل في القاهرة في ثلاثينيات القرن الماضي ، ولما قرا في جرنال معاه ان الاذاعة المصرية نشرت اعلان عن طلبها لاختبار لمطربين جدد ، أتقدم ، ونجح ، غنى قبل ام كلثوم على بلد المحبوب وديني من ألحان رياض السنباطي ، في فيلمها وداد ، ، وهي غنتها بعده ، قدم اغنية المسحراتي يا مؤمنين بالله ، واعتزل مبكرا ، ولد في ١٩١١ ، و توفي في ١٩٧٨ ، شارك بادوار قصيرة في مجموعة من الافلام مع انور وجدي ، و بديعة مصابني ، وبشارة واكيم ، وحسين صدقي وإسماعيل ياسين ، وفردوس محمد ، كمان أدى دور غنائي في أوبريت الليلة الكبيرة فهو قام بشخصية بياع البخت ، فتح عينك تاكل ملين فينك فينك تاكل ملين اوعى لجيبك لا العيب عيبك قرب جرب تاكل ملبن ،،
يا مؤمنين بالله
يا موحدين الله
قوموا كفاية نوم
يا مؤمنين بالله
قوموا كفايه نوم
هي الحياة كام يوم
وبالصلاة والصوم
يرضى علينا الله
،،
يا مؤمنين بالله
يا صايمين رمضان
باب السما مفتوح
لطالب الغفران
وربنا في علاه
يا مؤمنين بالله
قريب من اللي دعاه
يا موحدين الله
يا ابو السعود يا رشاد
يا حاج عز الدين يا امام يا عم فؤاد
يا مرتضى يا امين
قوموا اسْجُدُوا لله
وسبحوا لله
يا مؤمنين بالله
يا مؤمنين بالله نادوا على النايمين
باب الرضا مفتوح يُستقبل الصائمين
واللي يعود لله
يلقى الأمان في حماه
يا عم عبد العال يا خليل يا منصور يا ابو العينين يا جلال يا غريب ياحاج سرور
قوموا اسْجُدُوا لله وسبحوا لله
يا مؤمنين بالله
قوموا كفايه نوم
هي الحياة كام يوم
وبالصلاة والصوم
يرضى علينا الله
،،
يا مؤمنين بالله
الرب رب قلوب
باب الهدى مفتوح
للصايم اللي يتوب
يا فرحته يا هناه
هينول رضا مولاه
يا حاج مرسي ، يا عيد يا احمد ياعم حجاب يا لو اسماعيل يا سعيد يا سيف يا ابو غلاب
قوموا اسْجُدُوا لله وسبحوا لله
يا مؤمنين بالله
قوموا كفايه نوم
هي الحياة كام يوم
وبالصلاة والصوم
يرضى علينا الله
