لقصيدة. (زجلية باللهجة المغربية)
*********•
قصيدتي فگعانة
فحر الشوم عطشانة
حتى من ورقتي 
ارضات تبقى جيعانة
ولقلم غارق فبير
حاتلا فيه لغسالة
حكايتي مع قصيدتي 
حكاية
مابغات تسگم 
ؤالحرف اعيا مايخمم
تخلطات عليه لعرارم
جايل بين لوراق
ؤكل سطر شبعان ازواق
فازمان مايعلم غير النفاق
ولبروال يبوس لكتاف
وعمر لسيدو لخبار فلگفاف
حكايتي مع قصيدتي
بحال المش مع الفار
حتى من لعقل طج وطار
يا قصيدتي موتي 
راك اخنقت صوتي
بقلم سمير مطيرك