ع بالي
دون الحب ما بيعنيك شو ما قالوا 
لا الكون بتشوف وسعو 
ولا الندى بيعجبك دلالو
لا بتغمزك عيون الورد 
فتح أو غمض زرارو 
والعطر ما بيدخل صدرك 
ولابيكشفلك أبسط سرارو
ودخلك شويعني قمر 
أكتر من تراب وحجر 
إذا طل بدر أو هل هلالو 
هالبحر يلي سواه سبحانو 
ما بيغريك أبدا جمالو 
لاصيف ولا خريف 
لا شتي لا ربيع بألوانو
دون الحب مابيعنيك شي 
وأنا طالع عبالي
يعجبني كل شي 
طالع عبالي 
قدامي الورد يتغزل بحالو 
اسرق منو شوية عطر 
وقول نيالووو والله حلالو
نرجس عمران 
سورية