تشابك بين معارضى ومؤيدى محافظ كفر الشيخ

مؤيدو ومعارضو محافظ كفر الشيخ

كفر الشيخ ـرشا عجمية

شهد ديوان عام محافظة كفرالشيخ واقعة مؤسفة بين مؤيدى ومعارضى المهندس أحمد زكى عابدين، محافظ كفر الشيخ، حيث التحم مؤيدو المحافظ من أهالى كفر الشيخ بمعارضيه أمام المحافظة، وذلك عندما تواجد عدد من معارضى المحافظ أمام مبنى المحافظة للمطالبة بإقالته واستخدموا (الدى جى) للتنديد بالمحافظ، وطالبوا المشير بإقالته وجاء عدد من أهالى كفر الشيخ المؤيدين للمحافظ من الشباب والموظفين وغيرهم، ورفعوا لافتات للتأييد وهفوا هتافات التأييد له، واشتبك المؤيدون بالمعارضين وتم استخدام الأيدى والأرجل والعصى.

وحطم المؤيدون (جهاز الدى جى) وتم الاعتداء على بعض المحررات فى بعض الصحف كما ندد المتظاهرون بمراسل "اليوم السابع" من خلال الدى جى لأنه غطى تظاهرات الثلاثاء الماضى، والذى بين أن عدد المعارضين 100 وبالفيديو ولم يكتب أعداداً كبيرة.

وتم إلقاء القبض على 6 من المعارضين واحتجزوهم لدى الحاكم العسكرى لمدة ساعتين وتم الإفراج عنهم وهم منتصر ريشو وأحمد ماهر وأحمد سلامة وعادل محمد الرفاعى وأحمد شوقى من ائتلاف شباب الثورة و6 أبريل وحزب الوفد.

وتوجه عدد من محررى ومراسلى الصحف والمتدربين فى بعض الصحف وحرروا محضراً رقم 1931 إدارى قسم أول كفرالشيخ وهم داليا الشامى وسامح لويزو وسمر عبد الرحمن وغادة رجب ومحمد فؤاد وأحمد الرمياى وعطية رمضان.

وأكدت داليا الشامى، مراسلة إحدى الصحف الأسبوعية، أنها تم الاعتداء عليها بضربها فى وجهها عندما تناولت الميكرفون الذى كان مع المعارضين ظناً منهم أنها ستندد بالمحافظ ولكنها قالت إنك يا محافظ كفر الشيخ أكبر من السباب الذى يردده المتظاهرون الذى نال منك فانهال بعضهم عليها بالضرب، وأضافت داليا الشامى أنه لا يليق إطلاق السباب الذى يمس كرامة الإنسان، وأنها على الحياد ولكن ما أثارها أن ينال المعارضون بكلامهم مكانته.

فى حين أكد أحمد حامد، أحد أعضاء ائتلاف شباب ثورة 25 يناير بكفر الشيخ، عن كيفية إصابته أثناء التظاهر أنه حاول الدفاع أن إحدى المتظاهرات أثناء التعدى عليها من قبل أحد البلطجية المؤيدين للمحافظ، والذى حاول الاستيلاء على مكبر الصوت منها والتحرش بها، حيث قام بضربى بجنزير حديدى على ظهرى ويدى وأنهم سيكررون التظاهرات حتى رحيل المحافظ.

وأضاف سامح النويشى المحامى وعضو حزب الوفد، أن ما حدث مهين من مطاردتهم
وإخلاء أماكنهم لصالح مؤيدى المحافظ وتحطيم مكبرات الصوت والاستيلاء عليها وتم إلقاء القبض على 5 منهم.
للإستماع إلى راديو اليوم السابع
خدمة الرسائل القصيرة من موبينيل، أرسل رسالة فارغة إلى 95000
خدمة الرسائل الإخبارية القصيرة مع شبكة فودافون عن طريق إرسال Y7 الى 9999
خدمة الرسائل القصيرة من اتصالات مصر، أرسل رقم 73 إلى 1666
خدمة الرسائل القصيرة من اتصالات الإمارات، أرسل y7 إلى 1110
بروتوكول نشر التعليقات من اليوم السابع

تعليقات (24)
1
شعب غبى

بواسطة: عبده
بتاريخ: الخميس، 5 مايو 2011 - 19:14

اصبحت اغلى من داخلى كلما اجد اعتصام او مظاهرة ضد اى شيئ اتفه الاسباب . نحن الان على اعتاب افلاس فى كل شيئ من طعام ومال وفرص عمل .والكل كانه خرج من قمقم انا خايف ولادى فى البيت يعملم اعتصام ويطلبوا اقالتى ويطالبو بزوج تانى لزوجتى .!!!!!!!!!!!!!!!!!!!!!!!!!!!!!! ان هذا الشعب فعلا لا ينفعه الا الكرباج .ليس هذا معنى الحرية الكل لابد ان يعمل وينتج وبعد لما نقف على ارض صلبة ويتحسن حال البلد نبقى نشوف الصالح من الطلح افيقو ا بقى ربنا يهديكم
2
مهزلة

بواسطة: احمد الرميلي
بتاريخ: الخميس، 5 مايو 2011 - 19:15

انا كنت واقف النهاردة امام ديوان عام المحافظة وفجاة لقينا الناس بتقول في بنت بتنضرب جوة زي ما حضرتك قلت وهي داليا جرينا بسرعة وكل اللي حصل اننا خلصنا داليا من ايديهم وشديناها بعيد واثناء ما بنقوم بالتسليك بينهم في واحد هو اللي ضرب بنت من اللي كانو بيسلكو داليا بالميكروفون اللي كان في ايده وهو تقريبا اللي انت بتقول عليه ده هو اللي ضربها بالميكرفون وبعدها البنت لقت نفسها بتنضرب كل اللي عملته انها اخدت منه الميكرفون ده وقامو هم بالاعتداء علي البنات الموجودين طبعا وده حاجة لا تليق ابدا برجال وشباب محترم احنا كن كل اللي بنعلمه او عملناه اننا لقينا في حد بيقول ان بنت بتنضرب جوة جرينا ننقذها وكل اللي عملناه انا حاولنا انقاذها وخصوصا ان عددهم كان 40 واحنا كنا 2 شباب و3 بنات ولما الاهالي اللي واقفين لقو ان في بنات بتنضرب تدخو وحمو البنات الموجودين وحمو الناس الي كانت موجودة
وهنا تدخل الجيش والقي القبض علي بعض الشباب اللي ضربو البنت واللي كانو بيسبو بالفاظ بذيئة فالمحافظ وقالو ايضا ان مراسل اليوم السابع متجوز احدي اقارب المحافظ علشان كدة هو معاه
انما مكنش في فالبداية لم يكن موجود مؤيدين للمحافظ ولكن بعد حالة الاعتداء علي البنات وعلينا كشباب 8 شباب تجمع الموجودين وقرروا تأيد المحافظ وكمان احنا مكناش موجودين معاهم لاننا تدخلنا فقط لانقاذ الفتاة
3
بذمتك دى صحافة

بواسطة: محاسب مصطفى متولى خضر
بتاريخ: الخميس، 5 مايو 2011 - 19:42

نداء الى السيد الاستاذ/خالد صلاح رئيس تحرير اليوم السابع بتغير مراسل الموقع والجريدة فى كفرالشيخ لانه من ايام الانتخابات النيابيه وهو تحوم حولة الكتير من الشيهات ولاننا نثق فى موقع اليوم السابع لا يصح ان يكون مراسل المحافظة شخص تحوم حلوة شبهات بعدم المهنيه والمصداقية ،عايز اسأل سؤال للاخ محمد سلمان هى الاخت دى مش صحفية يعنى المفروض رايحة تغطى حدث ايه اللى خلاها تروح تمسك الميكروفون وتقول رايها المفروض انها على الحياد ولا تظهر فى الاحداث بصرف النظر عن رايها مويدة او معارضة للمحافظ والسيد المحافظ بتاعنا بيقلد مبارك بيلم شوية مويدين كمان علشان يقول المثل بالمثل لا ياسيدى انتا كدا عملت فتنه بين ابناء البلد الواحد وكدا مش عايزينك وهنفضل ضدك لاننا بصراحة مشفناش منك اى خير وزى ما قولت زمان ان شغلانه محافظ كفرالشيخ شغلانه وسخة واحنا مش عايزينك تشتغل شغلانه وسخ
ارجو من الموقع النشر ولا فقدتم مصداقيتكم عن احد القراء
وشكرا
4
بذمتك دى صحافة

بواسطة: محاسب مصطفى متولى خضر
بتاريخ: الخميس، 5 مايو 2011 - 19:59

نداء الى السيد الاستاذ/خالد صلاح رئيس تحرير اليوم السابع بتغير مراسل الموقع والجريدة فى كفرالشيخ لانه من ايام الانتخابات النيابيه وهو تحوم حولة الكتير من الشيهات ولاننا نثق فى موقع اليوم السابع لا يصح ان يكون مراسل المحافظة شخص تحوم حلوة شبهات بعدم المهنيه والمصداقية ،عايز اسأل سؤال للاخ محمد سلمان هى الاخت دى مش صحفية يعنى المفروض رايحة تغطى حدث ايه اللى خلاها تروح تمسك الميكروفون وتقول رايها المفروض انها على الحياد ولا تظهر فى الاحداث بصرف النظر عن رايها مويدة او معارضة للمحافظ والسيد المحافظ بتاعنا بيقلد مبارك بيلم شوية مويدين كمان علشان يقول المثل بالمثل لا ياسيدى انتا كدا عملت فتنه بين ابناء البلد الواحد وكدا مش عايزينك وهنفضل ضدك لاننا بصراحة مشفناش منك اى خير وزى ما قولت زمان ان شغلانه محافظ كفرالشيخ شغلانه وسخة واحنا مش عايزينك تشتغل شغلانه وسخ
ارجو من الموقع النشر ولا فقدتم مصداقيتكم عن احد القراء
وشكرا
5
الى التعليق رقم واحد

بواسطة: بيبو
بتاريخ: الخميس، 5 مايو 2011 - 20:06

شكرا لخصت ماريد قوله فى سطورك والله مصر سوف ترجع للوراء من سبب هؤلاء الجهله كنت جالس مع رئيس مجلس مدينه كفر الشيخ والرجل مشكورا فاتح مكتبه للصغير والكبير ودى اقسم بالله اول مره ادخل مكتب هذا الرجل ولاعرفه مسبقا جلست اشاهد من يتقدمون بشكاوى والله لم اجد شكوى تلفت نظرى والكل داخل يعرض مشكلته بكل تبجح وليس هناك اسلوب للعرض ولكنه اسلوب امر لازم تنفذ والا بصراحه لو انا مكانه والله ماقعد ثوانى ياعالم سيبو مصر فى حالها كفانا جهلا نحن نرجع للخلف
6
الاهم من المحافظ هو مدير مكتبة

بواسطة: بسيونى بسيونى
بتاريخ: الخميس، 5 مايو 2011 - 20:20

اهم حاجة المحافظ ومدير مكتب المحافظ (السفير ) وجريدة اليوم السابع محترمة والمظاهرات لابد من اقالة المحافظ ومدير مكتبة
7
دسوق زهقانه من المخافظ

بواسطة: احمد ابو على
بتاريخ: الخميس، 5 مايو 2011 - 20:54

انا عايز اقول للمحافظ اننا مش هنسكت
8
الفيروز

بواسطة: عادل البيلى
بتاريخ: الخميس، 5 مايو 2011 - 21:21

س يبو المحافظ يعمل لائة شغال
9
كفر الشيخ

بواسطة: احمد عبد السلام
بتاريخ: الخميس، 5 مايو 2011 - 21:54

حرام عليكم يا بشر هتخربو البلد من كثرة الاعتصامات والاحتجاجات وكل واحد عاوز يعمل الا على كيفه كفايه كده مصر بتصرخ وتناديكم ارحمونى . . . . ...................................
10
حافظوا على المخلصين

بواسطة: محرم عثمان
بتاريخ: الخميس، 5 مايو 2011 - 22:08

اقسم بالله انى من ابناء محافظة كفر الشيخ ومن مؤيدى ثورة25 يناير هذة الثورة العظيمة وقدلمست فى هدا المحافظ اللواء المندس انه من انشط المحافظين و المخلصين لمصر حيث انه كان يحارب الفساد و بقوة ونقل محافظة كفر الشيخ نقلةكبيرة وعمل شبكة من الطرق الحديثة وانشأ جامعة كفر الشيخ والتى هى مفخرة لابناء كفر الشيخ وانشأ بورصة الاسماك و مكتبه مفتوح لكل ابناء كفر الشيخ فنرجو ان نهدأ وخاصة الاخوة المعارضين ان نفكر بعقل وروية والانخلط الامور وان نحافظ على كل المخلصين و الاكفاء من ابناء هذا البلد وان نقف معهم وليس كل من عمل مع النظام السابق كان يرضى عن اعماله فدعونا نعمل ونعيد جميعا بناء مصر ونحارب الفاسدين و المفسدين ونحافظ على المخلصين من ابناء هذا الوطن العظيم و تحيا مصر حرة عزيزة ابية وعلى جبين الدهر غرة
11
شعب بنىسويف يريدك مرة ثانيا

بواسطة: وائل طلب
بتاريخ: الخميس، 5 مايو 2011 - 22:25

بنىسويف اولابك لانها بلدك ياسيادة المحافظ , وشعبها لايمكن نكران ماصنعته لاجلهم , ودائما يتحدثون عن انجازاتك خلال الفترة القصيرة التى امضيت فيها محافظا لهم . من فضلك ارجع مرة اخرى .
12
رأيت بنفسى

بواسطة: كرم القرشى
بتاريخ: الخميس، 5 مايو 2011 - 23:11

أحمد زكى عابدين محافظ كفر الشيخ يحتمى فى بلطجية الحزب الوطنى
ووكيل وزارة الشباب والرياضة يقود موظفيه للأعتداء على شباب الثورة
ومدير أمن ديوان عام المحافظة يعتدى على المتظاهرين ويلقى القبض "بنفسه" على منتصر ريشو منسق عام إئتلاف الثورة على مستوى الجمهورية
13
هما مين دول

بواسطة: اشرف
بتاريخ: الخميس، 5 مايو 2011 - 23:23

هما شباب الثور يعرفوا ايه عن المحافظ عشان يشيلوه ولاعشان المحافظ من المصصمين على تطبيق القانون وازالة كل التعديات الخلفات بقا وحش وبعدين لوبتبصوا على مصالح الناس روحوا شوفو اجرة الوصلات اللى كل سواق رفعه الاراضى اللى اتبنى عليها
14
مراسل اليوم السابع رجل محترم ونكن لك الاحترام والتقدير

بواسطة: محمد رضا عبدالحي عيسي
بتاريخ: الجمعة، 6 مايو 2011 - 01:04

مراسل اليوم السابع رجل محترم ونكن لك الاحترام والتقدير كما انه يتابع كافة الاحداث الواقعه علي ارض المحافظه اولا بأول في الوقت الذي لاتستطيع فيه كافة الصحف الاخري تناول مثل هذه المواضيع ,, اقولها صراحة وليس نفاقا ان الاخ المحترم مراسل اليوم السابع عن محافظة كفرالشيخ من الناس صاحبة الخبره والالتزام بالعمل في حياديه تامه ودون تحيز لأي احد وهذا الرأي لأني متابع دائم لليوم السابع وسعيد جدا بدور هذا الرجل الذي دائما يتناول الوقائع في وقت حدوثها واني اقول ان هذه علامه من علامات نجاح الجريده
15
مسنود

بواسطة: راندا
بتاريخ: الجمعة، 6 مايو 2011 - 01:12

المحافظ مسنودا من فوق رايحوا نفسكوا هتيجى من عند ربنا زى مبارك كده
16
كشك عمى عبدة

بواسطة: هشام
بتاريخ: الجمعة، 6 مايو 2011 - 07:39

لازم نغير المحافظ دة ياجماعة علشان دة تسبب فى ضياع حلم الراجل العاجز عبد الرحمن الى كان حلمة ان يبقى عندو كشك يعيش منة وفض يحلمة بية وطلع عينة وبقى يسافر لحد ما وفقو على طلبة فى القاهرة وادلو كشك وصرف كل الى وراة والى قدامة علشان ياعينى الكشك ولما ربنا كرمة وفتح الكشك عند كوبرى ميت علوان بالقنطرة كان سعيد جدا لانة راجل عاجز وكان دة مصدر رزقة وفاجأة لقى المحافظ بدون اى زنب بأصدار قرار بازالة الكشك وهدمة بالبندوزر وحبس ابن عمى عبدة بسبب مقاوة الشرطة للازالة وشالة الكشك وبنو مكانو جنينة للعشاق وللشباب الى بيشربو فيها مخدرات وراح حلم عبد الرحمن العاجز ولاول مرة فى حياتى اشوفة وهوة بيبكى وبيقول حسبى الله ونعم الوكيل ولحد الان من يومماشالو الكشك مفيش اى دخل للراجل العاجز لا حولة ولا قوة الا بالله
17
لا علاقة لهم باى ثورة

بواسطة: سماح لويزو
بتاريخ: الجمعة، 6 مايو 2011 - 10:51

انا احدى الصحفيات الائى تم الاعتداء عليهن بالضرب والسب القذف والاتهامات الخارجة عن اى اداب عامة او اخلاق ثورية من قبل المعارضين للمحافظ الذين كان من حقهم التظاهر السلمى عندما لم تكن هناك اى مظاهرات مؤيدة له ولكن عندما تعدى الامر للاتهامات المخزية والتعرض لشرف هذا الرجل الذى نختلف معه ونعارضه كان لازما علينا ان نقول قولة حق سبقتنا بها الزميلة داليا الشامى ولكن تعدوا عليها بالضرب والسب والاتهامات بالعمالة والبلطجية والماجورية وهو الامر الذى امتد ليشمل خمسة منا فحقا ايها المعارضون كنتم عارا ع الثورة واسئتم لحق التظاهر وعندما رفعتم ايديكم وعصاكم ف وجه الصحفيات الثلاثة وسارعتم بخلق اكذوبة انهم من البلطجية والمدسوسين ....... مع العلم انهن الثلاثة ف جرائد معارضة واحق بهم ان يقفوا ف وجه ف وسط مظاهرة حاشدة خاصة انهم طالما فعلن وحدهن دون مساندة وللحقيقة الاعتداء الذى تم ع الصحفيات هو الامر الذى دعى العامة من المرور للاشتباك مع المعارضين واخرج بعض الموظفين من المحاقظة للانقاذنا ما ادى لتكون هناك مظهرة اخرى تاديية للمحافظ.....
18
قلين مش عاوزاك يامحافظ

بواسطة: محمود المصري
بتاريخ: الجمعة، 6 مايو 2011 - 11:03

انت اثبت انك محافظ فاسد لانك تسترت على وكيل وزارة فاسد وهو محمد الامين شلبي وكيل وزارة التربية والتعليم الذي ضبط متلبسا في قضايا فساد واداب صوت وصورة وخرج منها زي الشعرة من العجينة بسببك وتسترك عليه وكمان قيامك بالمد بعد المعاش لانصارك الفاسدين من فلول الحزب الوطني امثال يوسف شريف موجه التربية الرياضية سابقا الذي يعد من افسد من انجبت كفرالشيخ اتباع الحزب الواطي المنحل
19
الى الاخت سماح لويزو !!!!!!!!!!!!!!!!!!!!!!!!!!!!!

بواسطة: محمود المصري
بتاريخ: الجمعة، 6 مايو 2011 - 11:23

قد نتفق او نختلف في الاراء لكن يبقى الصحفي ومهنته من اجل و اعظم المهن التي يمتهنها الانسان خصوصا اذا كان شريفا صاحب رأي حر متنزها عن الاغراءات التي قد تواجهه في مشوار حياته لا ان يتخذ مهنته لابتزاز الناس والمسئولين الفاسدين من اجل مصالحه الشخصية وانت تعلمين علم اليقين ما اقصده بذلك وان ليس كل الصحفيين شرفاء وليس جميعهم شياطين ولكن ماحدث امام المحافظة كان انحياذ صارخ من اشخاص يجب عليهم عدم الانحياز احتراما لمهنتهم ونقل ما يحدث بموضوعيه تامة دون تحيز لطرف على حساب طرف والا ستكون النتيجة كما حدثت الشاهد في الموضوع ان بعض هؤلاء الصحفيين اصحاب مصالح مع السيد المحافظ وارادوا ان يأخذوا نقطة امام مدير امن المحافظ واعوانه ومصطفى عيسى بتاع الزعفران الفاسد الاخر على حساب مهنتهم قبل المعارين للمحافظ وفي الختام احب ان اطالب حضرتك حضرتك ان لا تتكلمين عن الثوراة فأمسالك يعيشون في الظل من المنتفعين اما نحن فنحن من نصنع التاريخ
20
ارحل

بواسطة: بيلا
بتاريخ: الجمعة، 6 مايو 2011 - 11:25

ارحل بالذوق كفايه فسادحرام عليك
21
الى الاخ محمود المصرى

بواسطة: سماح لويزو
بتاريخ: الجمعة، 6 مايو 2011 - 12:21

ليس هذا حقيقى للاسف يا استاذ محمود من بدلوا الحقيقة من الصحفيين واتهموا الصحفيات الثلاثة سماح لويزو وداليا الشامى وسمر عبدالرحمن ومن قبلهم الاستاذ المحترم محمد الاسيوطى بالعمالة والبلطجة هم من تخلى عن مهنية الوظيفة واى حيادية وبل وتخلى ايضا عن شرق الانسان ونبله عندما ارتضوا الكذب وسيلة لما اشرت اليه ما حدث كان مهزلة لابد ان يعاقب من سببوها.....
22
ليه داليا مسكت الميكرفون

بواسطة: سماح لويزو
بتاريخ: الجمعة، 6 مايو 2011 - 12:45

العزيز اللى سال سؤال غاية ف الاهمية ليه صحفية تتخلى عن حيادتها وتتكلم لان اللى حصب ييساطة ان الاخت رشا المنظمة ادتها الميك وطلبت كلمتها وداليا قالت انا هتكلم ع اساس انى بنت عاشة ف كفرالشيح اللى عابدين ده محافظها يعنى باعتبارها مواطنة كفراوية مش محررة صحفية وقالتها حافظ عيسوى لازم يمشى ياسيادة اللواء ده فاسد وانتم مش قادرين تمسكوا عليها حاجة بس لازم يمشى بقى الناس كارها واذاكنت زلان من هتاف الشباب انك حرامى وحوز الست وراجل بس ف البطاقة قدول ولادك ومعل..ش .... مش لحقت تكمل الكل انهال عليه ضرب وسب وقذف ولما كانوا وافقين وست قالت حراااااااااااام بيضربوا الصحفية جرينا نشوف فيه ومدير امن المحافظ اللى قال عليه استاذ كرم اللى اتمنى يراجع ضميره ف اللى قاله جرى بسرعة خلصها منهم واتلموا هما حواليه يضربوه عشان كدة خرج بعض الموظفين يخلصوه منهم...بجد اللى حصل مهزلة وكارثة لازم يتم المحاسبة عليهاااااااااااا ومنتصر ريشو واحد بس من ضمن تلاتين قالوا لاصحابه حرااااااااااام دول صحفيات وبنات وحقهم يتكلم مش بضربوا وده اللى شهدنا بيه كلنا ف محضر ادارى 1931
23
دسوق مش عاوزاك يامحافظ

بواسطة: متابع من بعيد
بتاريخ: الجمعة، 6 مايو 2011 - 13:12

ارحل يا محافظ كفر الشششششششششششششششششششششششيخ
24
انت مش زعيم

بواسطة: متابع من بعيد
بتاريخ: الجمعة، 6 مايو 2011 - 13:33

رؤساء المدن والقرى كانو فاكرين نفسهم من طبقة غير باقى الشعب وانت كمان زيهم وانت مش زعيم انت مجرد محافظ اهتم بمدينة كفر الشيخ وترك باقى المحافظة باختصار انت مقصر فى عملك ارحل يا محافظ كفر الششششششششششششششششششششيخ

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

طباعة
أرسل لصديق
أضف للمفضلة