مايسة إمام
قالوا زمان.......
قالوا زمان أهلك لتهلك
قلت.......... ماأنا هالك
عايش في وسط النور
بس الظلام حالك
حابس جوايا حنين لسنين...
كنت أنا شاكك وبقول
جرح الجسد وااااعر
بس لقيت جرح اللي منك
أوعر ..وداايس و داااعك
لقيتني ولا طواحين الهوا
واااااااصل للسما
وفي السحاب ماسك
تلف وتلف..ولا تعبها يخف
وأن وقفت يقولوا ليه؟ ؟؟
مادا عملها..... وراس مالها
لفي ..
لفي كمان وكمان.. زي زمان
وإوعاك أبدا تشتكي حالك
ملعون أبو الأمثال
اللي تنختم تتشال
طول السنين في البال
وكلمة هوووس وبسسس
للآااه ... متتقلشي
متتوجعشي ..متتألمشي
ولالدمعك حق. يقول : لأ
ولا يجري ولا يمشي
إياك .. إياك
لا تحس ...ولا تمس الحس
أحسن ...متخلصشي
لا ويقولولك برضه إيييييه
أهلك لتهلك...
وحياااااة النبي بقت......
..... غنيوة متكلشي
