نشرت "المساء" هذه القصيدة في رمضان 2009 ضمن قصائد كثيرة تحت عنوان "المسحراتي" تندد بالنظام وتتنبأ بسقوطه:
"واحد اثنين تلاتة
إبرة الخياطة
خيطي لي كمي
واوعي تقولي لأمي"
أمي وعينها مش جايبة
متعلقة في حبال دايبة
إن شبت ما بتطولشي
وإن دبت ما بتجيبشي
وان جابت
جابت طرشي
صغرت صغرت وصغرنا
صبحت أد النبقاية
مدينا أدينا لغيرنا
واتعلقنا بقشاية
قشاية أخت القشة
يتجمعوا يبقو مقشة
شهل يا كناس خدهم
مش محتاج غير كام قشة
راسي بتوجعني مصدع
زي الأطفال بتوجع
شايف بيتنا بيتصدع
صاحب البيت اللي وارثه
قال الموقف أنا دارسه
كداب طبعاً وبينخع
يا مقاول شغلك طول
والترميم ما بقاش نافع
هده وابدأ م الأول
بيتنا وعارفه
واقع.. واقع
بيتنا وعارفه
واقع.. واقع
ساحة النقاش