لو عربيتك اتسرقت ... لا قدر الله

لو عربيتك اتسرقت ... لا قدر الله
فى خطوتين مهمين لازم نعملهم بعد ما تعمل المحضر فى القسم --
اول خطوة مهمة -- انك تاخد رقم محضر السرقه اللى عملته وتطلع بيه على مباحث المرور تعمل حاجه اسمها--
*إشارة نشر* -- ودي معناها انك بتنشر على كل أجهزه الحاسب الالي فى مصر ان عربيتك اللى نمرها كذا مسروقه ودي ليها ميزه ان لو العربيه وقفت في اي كمين وفحصوا النمر بالجهاز اللى مع ظباط المرور هيتعرف ان العربيه دي مسروقه وان اللى مبلغ بالسرقه هو فلان وعنوانه المكان الفلانى او لو العربيه حد لاقاها وراحت اي اقسم على مستوي مصر هيقدرو يوصلولك
والمفروض ان ده إجراء تلقائى بيتعمل بعد المحضر

تانى خطوة مهمة -- انك تروح النيابه وتطلب من وكيل النيابه يديلك
*جواب للمرور اللى عربيتك تابعه ليه بوقف التعامل على العربيه بأي شكل* --وده ميزته-- ان لو انت ناسي الرخص جوا العربيه وقت السرقه ممكن الحرامى يزور توكيل ويبيع العربيه لمشتري حسن النيه ساعتها انت بتدخل نفسك فى مشكلة لانه ممكن يروح ينقل ملكيه ومحدش يفحص التوكيل اللى معاه ويطلع رخصه بإسمه وساعتها انت دخلت فى دوامه -- لكن -- لو موجود فى ملف العربيه جواب بوقف التعامل عليها ساعتها اى حد يروح يعمل رخصه هيتمسك والعربيه هيتم التحفظ عليها ويقدروا يوصلوك برقم المحضر....
ملحوظه اخيره .... خليك حريص وانت بتعمل اي محضر انك تسيب رقم تليفونك فى المحضر نفسه عشان يقدرو يوصلولك