أخي المزارع
القش متوفر عندك بتحرقه أو تتركه فى الغيط . واليوريا متوفرة وبتسمد بها أرضك . ويمكنك بقروش قليله وفكرة بسيطة تحويل القش الى دريس جيد . فإذا لديك عجلين عاوز تسمنهم أو جاموستين أو بقرتين عاوز تغذيهم طول فترة الصيف فما عليك إلا عمل كومه من القش حوالى 2 طن بطريقة سهلة ومبسطة كالآتي :-
<!--كومه القش المطلوبة حوالي 24 بالة , رص سته منهم بجوار بعض لتكوين أول صف .
<!--أحضر ثلاث براميل كبيرة وأملأها بالمياه حتى ثلاث أربعهم ودوب فى كل برميل 5 كجم يوريا + كبريت حتى تمام الذوبان .
<!--رش برشاشة أو بجردل مخرم محتويات كل برميل على 2 بالة من القش المرصوص .
<!--كرر العملية السابقة مرات يتكون عندك كومه بها 24 بالة قش ( حوالي 2 طن ) .
<!--غطى الكومة جيداً بغطاء بلاستيك . وضع على حوافى الكومه شوية تراب أو طين لعزل الكومه عن الهواء .
<!--أترك الكومة أربع أسابيع يتحول فيها القش الى دريس .
<!--أرفع الغطاء من الجانب وخذ من الكومه ما تحتاجة لتغذيه مواشيك بعد تهويته لمده ساعتين .
وبكدة يا أخى تكون حولت القش الى دريس .
<!--يمكنك إعطاء معامل لغايه 5 كجم للرأس يومياً لتحل محل 5 كجم دريس – مع مراعاه التدريج فى التغذية زى ما هو متبع لما بتغذى على البرسيم فى الشتاء .
<!--تكفيك هذه الكومة لتغذية حيوانين لمدة ستة شهور. ثمن 2 طن دريس 600 جنيه وتكاليف الكومة حوالى 150 جنيه وبكدة توفر لك الكومة حوالى 450 جنيه .
وبكدة نكون إستخدمنا قشنا ووفرنا فلوسنا وإحتفظنا بمواشينا بصحة جيدة , وتغذية مستمرة طول السنة .