متى التدخل بالعلاج يكون مفيد
# امتى ابدا فى علاج الميكوبلازما 
عند بداية اتساع العين يعنى هسمع صوت تنفسى بسيط 
ولازم اكون عارف شكل العين الطبيعية 
يعنى لو ظهر الصوت وعالجت مش هيضر لاكن يعتبر فلوس ضايعة لان كدا كدا الصوت مش هيروح
# امتى ابدا فى علاج الكوكسيديا
عند بداية الاسهال البنى المتزامن مع وقوف ريش الرقبة 
اوعى تنتظر لما يحصل نافق علشان متاثرش على الاستهلاك
# افضل تدخل للكلستريديا
هى عند ظهور اما الاسهالات المميزة لها مع اول ظهور علف غير مهضوم او بداية رغاوى فى الزرق 
يعنى خليك يقظ
# امتى اتدخل برش الكولون كتحصين اضطرارى للنيوكاسل
عند ظهور اول نزف على المعدة الغدية مش انتشار الانزفة لان انتشارها بيكون المرض خلاص
ولو بدات الانزفة على غدتا باير تعتبر الاصابة دخلت
# امتى اتدخل لعلاج البالورم
دا خليك ناصح بمجرد ارتفاع النافق فى فترة التحضين عالجة لان اساسى فى فترة التحضين
# امتى ابدا اعالج كولاى 
طبعا افضل حاجة الحساسية
دى فى امور كتير جدا منها
بس اول ما تشوف غبار فى العنبر وعمل بداية مشكلة تنفسية عالجة وحتى لو معملش الغبار مش هيجى كدا لوجة الله لازم يسيب لك حاجة فبردة عالج الكولاى
# امتى احقن التنفسى 
لو حصل تجبنات لان علاج المية هنا هياخد وقت وياثر على التحويل
# امتى ارش اليود فى حالة الجمبورو عند ظهور اول طير فى عمر العشرينات نايم على بطنة وتمسكة من تحت جناحة تلاقى ملحوظتين 
حرارتة عالية
بيترعش
من اول طير ابدا اتحرك لانه تانى يوم بيرفع النافق
# اول ظهور للاى بى بيكون العلف قل حاجة بسيطة وطير واحد بيتنفس بصعوية او بيشهق حاول تتصرف فى المرحلة دى لو انتظرت تانى يوم هتلاقى مشكلةكبيرة
# امتى اتصرف للسموم لو نزلت علف وبعد مرور 24 ساعة حصل اى حاجة تغير فى لون الزرق انزفة نافق
# امتى اتصرف فى حالة التسمم الدوائى 
لو حد قالك حط الخلطة دى ورفعت النافق 
اوقفها فورا
# امتى اعرف انى داخل على مشكلة مرضية مهما كان طبيعتها
ان حرارة عنبرك تكون مناسبة ومع ذالك استهلاك علفك قل عن امس
تاكد فورا ان فية حاجة داخل علية
اللهم اجعل عملنا هذا خالص لوجك الكريم

المصدر: ِAkrum Hamdy
AkrumHamdy

Akrum Hamdy [email protected] 01006376836

  • Currently 0/5 Stars.
  • 1 2 3 4 5
0 تصويتات / 204 مشاهدة

أ.د/ أكـــرم زيـن العــابديــن محـــمود محمـــد حمــدى - جامعــة المنــيا

AkrumHamdy
[email protected] [01006376836] Minia University, Egypt »

ابحث

تسجيل الدخول

عدد زيارات الموقع

1,579,027