نظرات

موقع اجتماعي سياسي و تربوي ونفسي يهتم بالطفل وتربيته وقصصه

                         أنا قلقة

                   ـــــــــ

أرسلت الرسالة وتلقاها الطبيب وكأن العرق الذي كسى جزءً من الرسالة لم يجف بعد , قالـــــت  :

انا بنت عندى 19 سنة وارسلت مشكلتى من قبل وتم تشخيصها على انها مرض القلق النفسى واعراضه تتلخص فى انى اولا شعرت بخوف شديد ورعب وضيق تنفس احيانا وبرودة فى الاطراف وافكار ووساوس معرفش بخصوص ايه لكن هى على كل حاجة لدرجة انى بخاف حتى من تفكيرى وشعور دائم بعدم الراحة والتوتر واى فكرة اخاف منها اى حركة بقالى شهرين منذ بدات الحالة لا اشعر باى راحة اشعر انى مستغربة من وجودى ومن الدنيا وكانى اول مرة استوعب ان فى انسانة اللى هى انا عايشة على حاجة اسمها الارض وفى ربنا لكنى مش شاكة فى وجود ربنا والحمد لله اشعر بضيق شديد ضيق نفسى ومش عارفة اروح فين قبل الحالة تعرضت لضغط شديد من اهلى فى البيت ومشاكل لا حصر لها ولا عد اشعر بالغيظ الشديد والخسارة على نفسى لانى كنت بنت جميلة ومتفوقة منهم لله اهلى هما السبب وبالذات اختى ودلوقتى بيسخروا منى وبيقولوا انى بدى الجنون وبمثل وانا والله بموت من العذاب والاستغراب كانى عقلى  مش معايا بفهم ومستغربة من الكلام والدنيا كلها وده مخلينى فى ضيق خايفة انام وخايفة اصحى امتى بقى احس براحة وافكار فى دماغى كان راسى هتنفجر ولكن هى مش افكار معينة ومش وساوس وخايفة دراستى تكون سبب فى الحالة او فى زيادتها لانى بدرس علم النفس المرضى ساعات بقول لنفسى يمكن يكون ده حلم واصحى للوضع الطبيعى كمان مش قادرة أذاكر خالص وامى رافضة انى اتعالج نفسى وده طبعا لانى بمثل وكل ما اشتكيلها توبخنى وتقولى الفاظ انا مقدرش استحملها واختى دائما السخرية تعبت اوى يا دكتور تعبت ومش لاقية حلول اعمل ايه تعبت وخايفة ومستغربة حتى من الهوا اللى حوالية بصلى دايما وبقرا سورة البقرة يوميا وعندى دوا اسمه بوسبار للقلق والتوتر استعمله ولا لا وهل انا ممكن اتجنن وكده خلاص انا انتهيت ؟ ولا لو ذهبت لطبيب نفسى هرجع طبيعية كمان عندى ارادة ولا انا مش ممكن ارجع طبيعية تانى وازاى اتعامل مع اهلى فى الحالة دى علما بانهم قاسيين كل ما اتعب يشتمونى وامى ممكن تضربنى كمان لحد ما كل مايسالونى مالك؟ اقولهم الحمد لله انا كويسة وانا بتعذب فعلا ودايما امى تشتمنى بشكلى وتعايرنى بالعيوب اللى فيا هل بعد كده ممكن ابقى معالج نفسى وانا اصلا بالحالة دى متاسفة لانى طولت عليك بس والله مفيش غيرك اسالة عن الحل بعد ربنا عز وجل

وأجاب الطبيب في هــدوء  يبعث على طمأنينة لطيفة

عزيزتى :

أكرر تأكيدى على أن ما تعانى منه هو حالة من القلق النفسى وفى بعض حالات القلق يعانى المرضى من الشعور بالإكتئاب خاصة إذا ترك الأمر بدون علاج وتباعا وإن لم تتحسن الحالة والظروف المحيطة بدرجة ما قد تتطور الأمور للأسوأ ..

لذلك ينبغى بداية التحلى بالعزيمة والقوة الكافية لمواجهة المرض وأخذا بالأسباب ينبغى إستشارة طبيب نفسى ليصف العلاج الدوائى المناسب فلا يجوز أن تتناولى أى عقار لم يصفه الطبيب المختص تجنبا لآية مضاعفات .. لذلك حاولى إقناع والدتك وإن لم تقتنع فحاولى أن تذهبى أنت لإستشارة طبيب بقدر الإمكان ..

أما عن علاقتك بوالدتك وأختك فلن يضرك شيئا أن تتودى لهم وتحاولى مرارا وتكرارا التقرب منهم مهما كانت ردود أفعالهم قاسية فإفعلى ذلك محتسبة الأجر عند الله وما أدراك لعل الكلمة الطيبة تأسر قلوبهم ، فإدعى الله أن يصلح بينكم وأن يكفيك برحمته شر خلقه ..

المصدر: واحة النفس المطمئنة
  • Currently 30/5 Stars.
  • 1 2 3 4 5
10 تصويتات / 388 مشاهدة

ساحة النقاش

محمدمسعدالبرديسي

nazrat
( نظرات ) موقع إجتماعي يشغله هم المجتمع سياسيا وتربويا بداية من الاسرة الى الارحام من جد وعم وخال الى آخره , الاهتمام السياسي أساسه الدين النصيحة و يهتم بالثقافةبألوانها ويعد الجانب النفسي والاهتمام به محور هام في الموقع كذلك الاهتمام بالطفل ثقافة وصحة »

ماذا تود البحث عنه ؟

تسجيل الدخول

عدد زيارات الموقع

541,189

مصر بخير

                         
* الشكر واجب للسيد العقيد هشام سمير  بجوازات التحرير , متميز في معاملة الجمهور على أي شاكلة ..

* تحية للمهندس المصري محمد محمد عبدالنبي بشركة المياه