قصيدة باللهجة العامية الشامية ...
بعنوان ... أحفادي ...
................................................
أحفادي يا نور العين 
يافرحة عمري إنتوا
إنتوا نجوم بعتم الليل 
وقمر بنيسان لمحتو 
إنتوا إشراقة هالكون 
وموسيقى الحب عزفتوا 
تغلغلتوا جوات القلب 
ومتل الحلم تسربتوا 
.....................
إنتوا ورود بحقل زهور 
وإنتوا فراشات الوادي 
وبلابل فوق الأغصان 
بأصوات الحب تنادي 
وربيع العمر بألوان 
ونسيم الجو الهادي 
وسنابل خضرا ومروج
بتنعش قلبي وفؤادي 
....................
إنتوا الحمرة فوق الخد 
وإنتوا الحلم العم يكبر
وإنتوا أملي اليوم وغد 
ونور الفجر العم يظهر
بعشق شوفتكن كل يوم
وفيكن بيتي عم يعمر
يا أحلى باقات زهور
وروايح مسك وعنبر 
.................................
ملك محمود الأصفر