من كنت احسبه لي محبوب 
يحفظ جيتي والغيبه
اصبح عن عيوني محجوب
لاراني تجيه الهبه
جاني امس راسه معصوب
ماقط شفت تيك العصبه
فوقه مشقري جاء مقطوب
يهنا خاطره والقطبه
شفته وان حسي مقلوب
الله يالطيف والقلبه
ليش الكبر ليش يا حبوب ?
مالك ليش عادشي رغبه
قد كنت امس عندك مرغوب
واليوم جيت تهرب هربه
قالت : في فؤادي مصلوب
حبك كل شيئ له حسبه
لازال وسط قلبي مكتوب 
مافيش شخص ثاني جنبه
وانته كيف شعورك محسوب 
كيفو بالوطن والغربه
قلت الحب ذاك المسكوب
مثل الشهد باقي سكبه
من خربشاتي
صالح الجبري في 23/7/2016