(( الدنيا كوره )) 
---------------- 
الدنيا كوره .....
........ وأنا اللعيب 
بلاعبها .. تلاعبني 
بداعبها .. تداعبني 
وتتعبني .. وتطرلني 
.... بفعل عجيب 
أحايلها .. تلوعني 
أهملها .. تحايلني 
وترسم لي .. على سطر الأمل علامات 
أسابق عمر .. يسبقني 
لدار الخلد .. مين يبني ؟؟ 
عليم بانها على موت !! 
.. 
أتاري الدنيا دواره 
تاخدنا لزنقه أو حاره 
وسعي الغاوي طوَّحنا 
نسينا مكانا مطارحنا 
.....( م طرحنا ) 
لفوق الناس 
مفيش أحنا 
فليه بالحوجه تدبحنا 
يا ماصص دمنا .. البارد 
في توب الغدر كالمارد 
قانون الظلم دا الفارض 
جنابك فوق جنابنا يعيش 
معاك سدنه مع الألاضيش 
معايد حضرتك كذبه 
طقوسك ليك محتسبه 
مبينا كمان مفيش نسبه 
من المحصول والزرعه 
غيطانك هي دي الفارغه 
وغيطانا م الجفاف صافت 
وجازك يروي بوتجازك 
وجازنا ولع وناشف 
مفيش ليكم حزام ناسف 
..
وابور العيله يا معلم 
بيصرخ فيا ويعلم 
كلام مكتوب بحبر الصمت 
ما اصل الساسه تهوى القمط 
فنطق كوره أو شتها 
هدف رائع في مرمى الرط 
------------------- 
#محمدعسكر