زمن البقر عامية مصرية
$$$$$$$$
بطن مثل البقر تاكل ومش شبعان
تفرض علينا الغلا وبرده مش ندمان
يا زمن خسيس اختشي كفايه بك طغيان
لا حاكم بيردع جشع ولا وقفة م السلطان
فقير حزين نفض جيوبه من ولعة الأثمان
لا عاد رحمة في سكن ولا كرامة للإنسان
زاد الغني قسوة مع زيادة عبادة الثيران
للمال وكله شهوة حنعيش مع الفئران
قلوب وبقت حجر تعبد كما البقر كتير أوثان
دنيا حقيرة وديما بتيجي على الغلبان
من ظلم العباد للعباد بات الكريم يتهان
لا عارف يدفع غلا ولا يطعم صغار ولدان
شاف عظيم الشقى شاف العذاب ألوان
وغيره يسرق بلد ويبقى عظيم الشأن
مذلول مهان وابن الأصول في هوان
وابن عبد المناصب مالك زمام أوطان
فقير شريف ينداس و بين الناس حيران
بقينا نشرب ألم نمشي كما العميان
يا ظالم كفايه ظلم كفايه على الظمآن
نستلف من غراب وطن نعيش معاه بأمان
وتسقط كلمة وطن بين حشد من الغربان
راقصات وبقت علم مشاهير كما التيجان
علماء وبقوا غنم عصاية بإيد سجان
مسكين وذنبي إيه واللي عماني شيطان
واللي وراي شلة عصابة من الأعيان
حياته يجمع فلوس منزوع من قلبه حنان
ده اللي معاه ربنا فايز ومش خسران
واللي بيمص دمنا محبوس حطب نيران
كلمات
ياسر عوض
مصر المنصورة شربين