قصيدة باللهجة المغرببة
بلاد اجدودي
*******
منديك الساكية الشريفة
دزت عند سيادي فعبدة
نحكي ليهم مدارت فيا 
اعيوط الحصبة
شميت ريحت الجدبة
من مول لبركي
حتى الثلاث بوكدرة
سولت فالجمعة
فين اسحايمي لكيشتف
على الدركة
جاوبوني وقالوا
راه براكتو فكل قبة
ؤفكل دوار قصة خربوشة
تعطر لمكان
الله الله عليكم أجدودي لحرار
اصحاب الجود 
خيمتكم مافيها باب
والضيف يدخل بلاشوار
ومن حرت الشوق
مشيت آسفي 
وطليت على شيخي الجازولي
بان ليا
الصبيان المجعورة 
كتخرج ظاحكة مسرورة
وشيخي محمد بن صالح
لدخل ليه يخرج فالح
ولمظلوم تما يسامح
الله الله عليك أعبدة
تما حكايتي غادا تبد.
بقلم سمير مطيرك