سيناريو فيلم الشهيد
===========
قصة وسيناريو الأديبة الشاعرة السيناريست السورية / روعه محسن الدندن
-------------------------------------------------------------------------------
المشهد الاول : - 
=======
المكان في احدى القرى الريفية وعلى اطرف تلك المدينة
كان شادي يقف مع رفاقه على احد الحواجز
يتصدون لبعض العناصر المتطرفة التي كانت ترعب الناس من خلال القتل وملابسهم وهيئتهم التي يدعون انهم اسلاميون وينشرون الاسلام ويحاربون الكفر والكفرة
وكل من يخالفهم هو كافر ويتم قتله ذبحا بالسكين
الوقت ليلا وكانت الساعة تقارب على العاشرة والجو بارد جدا والمكان مظلم وشادي يمسك موبيله وهو يحاول البحث عن النت ليتواصل مع افراد اسرته وكان يحاول ان يطمئن على عمه الذي يعتبره والده بعد وفاة ابيه وزوجة عمه التي يناديها امي مضت ثلاثة اعوام على اخر زيارة له ورؤيته لهم
وسمع ان عمه وعائليته محاصرون وعلى وشك الموت جوعا او من القصف
شادي يصعد لاحدى الابنيه : - 
---------------------
ياربى ساعدني ومش قادر اوصل للشبكة واكلم بابا
والجو برد كمان مش قادر احرك ايديا واصابعي كمان
جلس وهو ينتظر ويحاول التقاط اشارة للنت
يا سلااااااااااام الرقم بيرن اخيرا
الوووووووووووو
عم شادي : - 
--------
ابني شادي وحشتني ازيك يابني عامل ايه
شادي : - 
------
الحمد لله يابابا وحشني والله واخواتي كمان وامي ازيها عاوز اكلمها واسمع صوتها
تعالي ابنك شادي عاوز يسمع صوتك
تأتي زوجته وهي مسرعة من المطبخ والدموع تسبقها
فين فين ابني شادي انت بتتكلم جد
الاب : - 
-----
خدي التلفون واسمعي صوته
الزوجة : - 
------
الووووو ازيك يابني وحشني حبيبي والله
شادي بصوت يبكي شوقا : - 
--------------------
وحشاني يا يا ماما والله ووحشني كلامك وضحكتك
ازيك يا ماما طمنيني عنك عاملة ايه
الام . - 
-------
الحمد لله يابني كلنا بخير وصابرين على الجوع وربنا معانا متخفش المهم انت يا حبيبى
شادي:- 
------
تعرفي ياماما بقالي ساعات وانا بحاول عشان اكلمكم 
عندنا مافيش نت وصدفة يوصل النت. ونقدر نتكلم مع حد
والجو بارد كمان وكل اللى معايا قاعدين جنبي بيحاولوا يكلموا اهليهم
اخواتي ازيهم ياماما
الام : - 
-----
الحمد لله ياابني ومامتك واخواتك ازيهم انت بتكلمهم
شادي: - 
-----
ايوه يا ماما بكلمهم واطمن عليهم
ادعيلي ياماما اني اشوفك واشوف عمي واخواتي
وهنا يقطع النت...
الووووووووو انت رحتي فين ياامي....
الام : - 
-----
امين ياابني الووووووو شادي رحت فين يابني
تبكي وهي تعيد الجوال لزوجها انقطع الاتصال بس الحمدلله اطمنا عليه
والله وحشني اوي الواد شادي
ربنا يحميه واشوفه
الزوج : - 
-----
امين يارب
- 1 -