جارى التحميل
استخدم زر ESC أو رجوع للعودة
( خاطب راغب )
طالب القربى على سلف القبايل
شفت بنت الامس صورتها فريده
شفتها لحظه وكان الغيم هايل
مارات عيني مثلها ف السعسده
جيت اكلمها وماتم التواصل
قالت :; اني بنت شيخ وانا الوحيده
رحت ل ابوها وكان بين الاصايل
كان معه خيله وسماها حميده
قلت له / يا شيخ لوتسمح بفاصل
طالب القربى من بنتك رشيده
قال ماعندي بنيه لاتحاول
قرب الخيله واشر لي بيده
رحت بعده سرت ل بيت العوائل
والتفت نحوي وانشد له نشيده
صيحت له زوجته قالت تنازل
جاوب الرجال باينكع وريده
قال ويش الاصل حقك والدلايل
وين ذي قلته ديار العز جيده
قلت انا من ضاف ذي قبلي تفاضل
مسكني فيها واصلي من عبيده
قال حيا بك على سلف القبايل
بس شرط البنت دولارات عديده
قلت / خاف الله يارجال فاضل
قال ;: ومهرالبنت صالونه جديده
قلت / انا جندي مع ربي مناضل
مامعي غير الزوامل والقصيده
قال رح لك مننا يا بوهذابل
لاتطالع للعناقيد البعيده
كلمات صالح الجبري 21 /11
المصدر: مجلة عشتار الالكترونية
