قمري ( بالعامية المصرية ) 
======
أتمنى للقمر إني أوصل له
وأتمنى السكنى أنا فيه
لا طلعت في يوم أنا القمر
ولا طلت الحياة أنا فيه
جميل بعيد ...... عن إيدي وعنية
ويمر وقتي .........وأنا له أناجيه
بطول السهر ومعاه سمر
أبص له ....... وعنية تحاكيه
وهوه علشان قمر يبعد بعيد
ويسكن أعاليه
لو ينزل شوية القمر ويرحم قلوب
متعلقة بيه
ويرسم للحياة حبة تنبت وتزهر
في لياليه
وضحكة حلوة سكرة تشيل من قلبي
كل ما أعانيه
يا قمر طالت ليالي السفر
والغربة فيه أقسى مآسيه
أمشي معاك وأنت معايا
أقف ونورك على كوني يغطيه
وأجمل ما فيك ثبوتك سكونك هدوئك
وشكوتي أنا ليه
أحكي معاك همومي وأحزاني
تصبرني وبأحضانك تدفيه
أعشق كلامك أثر وأعشق بنورك عبر
تسويه
وأعشق جنونك غزل وبحنانك شهد وعسل
أصفيه
لو كان ده حبك يا قمر
كيف وعشقك بتخذيه
شعر / ياسر عوض السيد
( مصر )