جارى التحميل
استخدم زر ESC أو رجوع للعودة
بلوة
حبينه الوطن منذ الصغر
هو البيت والمدرسة والاكل
شربنا الماء وارتوينه
حققنا حلمنا بالدراسة ونجحنه
باقي من العمر وقت وتمتعنه
شفنه العجائب والظلم والقهر
وماتخلينا عن حب وطنه
والاخرين غادروه بكل حجة
بس احنه الباقين ما اقتنعنه
زاد الحرمان والتشريد والذبح
بقينه بوطنه واغلقنا ابوابنا وانتظرنه
زاد الشوق والحنين لارضنه
وما شعرنا بالخوف والحسرة
سياج وطنه حمانه من كل مذلة
اجمل وطن عدنه وتربته نقيه
وشعبه مسكين بس قوي بارادته
يقاتل الشر بكل الطرق ولا يخشى
ويرفع علمة بكل مناسبه حتى بمماته
عجيب اطياف هذا الشعب حر وابي
يصنع معجزاته بيدة وما ينحني
بس النفاقق والعلس ديدنه
اخاف احجي اكثر ويلومنه الربع
تره السبع يخلي بالسله ركي
ويعيش بقوت يومه ويستر نفسه
ترى الخيانه والسرقة صعبه علينه
احنه من زمن بابل واشور واكد بقينه
الوفا ياكل ويشرب بينه من صغرنه
وصعب من يذكر العراق ومايذكر شعبه
عبد الامير الشمري
مهندس استشاري
30/7/2017
المصدر: مجلة عشتار الالكترونية