## الشرف ##
------------
" بلهجة عامية "
ـــــــــــــــــ
عايز يكون شريف
والنفس أمارة
موظف وعامل بيه
ودرج مكتبه حصالة
يرحب باللي يسقط
ف يخلص له هوا مراده
واللي ما يسقط يعكنن عليه
ويقوله عدى علينا بكره
وبكره يجيب بكره
ولا يخلص مراده
مستغل طيبة قلوب طيبه غلبانه
على أمرها مقهورة وطهقانة
لا لوم .. لا عتب
برقع الحياء انخلع
يتصرف معاك تحت 
سقف الأخلاق والأدب
يااااااااه .. من دول كتير
في دواوينك يا حكومة
وساعة الجد .. المس تخبئ يبان
يقول أنا شريف
لا يمكن أديا تتمد
دا في دنيتك .. وفى أخرتك
تقول إيه لخالق العباد
لما الراشي والغلبان يختصموك
أمام عادل الملكوت
أعمل لأخرتك فأنك ميت غدا
وإياك تقول ظروف حياتي صعبة
محتاج ولازم
الحصالة تكون مليانة 
لا .. دا القناعة برزقك المقسوم
كنزك الذي لا يفنى
وده هو الشريف 
--------------
بقلمي / محمد أسامة الشريف
مصر - أسوان
5/8/2017