أصعب احساس بالكون وقت تحس حالك معلق بين السما والارض 
عم تنتظر هديك اللحظة يلي رح تسمع فيها صوت عضامك عم تتكسر 
اصعب إحساس لما يصير الكون فنجان وإنت قاعد عم تحاول تفك الطلاسم وعم تدور على وهم لتعيش
اصعب إحساس لما تصير جامد وتوصل للحظة ماعاد فيك تحب ولاتكره ماعاد فيك تفرح ولاتزعل بتحس حالك نايم وعم تتفرج على عمرك كأنو حلم ويمكن كابوس
أصعب إحساس لما تكون بردان من جوا لما تكون ناطر ايد تمسح دمعتك وتمسكك بالعتم وكل ماتمسك ايد تطلع أفعى 
اصعب إحساس لما تحس الدمعة رصاصة عم تقتل فيها قلبك عم تخنقها لترجع تشعل جواتك نار وإنت فقدت الرغبة بالهروب تحترق وإنت عم تتوجع وتضحك من وجعك 
أصعب إحساس لما تسأل حالك أنا عايش وتضحك وسط دموعك لك انت متت من يوم داستك أول اجر من يوم بكيت وقت وقعت أول مرة وإنت عم تتعلم المشي وماحدا سندك 
وهون بتعرف إنك غبي عم توقع وتنداس وماعم تتعلم لك انت شو بتهز حالك بتحاول تصحى بتلاقي حالك سكران بخمر الهذيااااااااااااااااااان 
هذيااااااااااااااااااااااااااااااااااااااااااااااان
روعة محمد وليد عبارة 
سوريا