<!--<!--<!--<!--

بحبك يا مصر ..     كلمات / أحمد الكردى

* بحبك يا مصر وبحب ناسك الطيبين , أرضك وشمسك وبعشق النيل الجميل , يا نسمة صافية حضنك الدافى الكبير , فى كل عصر عظيمة على مر السنين .  

؛؛ بحبك يا مصر ..

؛؛ أرض الحب والأحلام ألف سلام , لو وصفى ليكى وعلى حسنك ما هالقى كلام , غير إنى أسكت وأتمنى لعينى تنام , واحلم تكونى لى عروسة فى عش حمام , واطير وارفرف فى سماكى واعيش أحلام , أحلام بترسم خوفى جنبك من الأيام , واثبت لنفسى إن انا فايق ومش أوهام .

* بحبك يا مصر وبحب ناسك الطيبين , أرضك وشمسك وبعشق النيل الجميل , يا نسمة صافية حضنك الدافى الكبير , فى كل عصر عظيمة على مر السنين .

  ؛؛ بحبك يا مصر ..

؛؛ يا ولاد بلدى يا جيل النور أنا قلبى معاك , إبنى وشيد على وعمر هنا وهناك , إزرع أرضك تحصد خير راح يستناك , تلقى الدنيا خضار وعمار من غير أشواك , مصرنا غالية وليها حضارة فى كل زمان , ملت العالم شرق وغرب وكل مكان , من الفراعنة لأقباط مصر لإسلام كان للدنيا منارة هتبقى حكاية على كل لسان .

* بحبك يا مصر وبحب ناسك الطيبين , أرضك وشمسك وبعشق النيل الجميل , يا نسمة صافية حضنك الدافى الكبير , فى كل عصر عظيمة على مر السنين . 

 ؛؛ بحبك يا مصر ..