ماشية بين الناس بتقول إنتوا مالكوا
مالكوا بأغلى ما عندي ليه مجننكوا
ليه عايزيني أبقى باينه قصاد عينكوا
عايزيني أسيب طريقي وأمشى طريقكوا
مهما تقولوا عنه مش هيأثر كلامكوا
عمرى فى يوم مابيعوا لحظه لحد منكوا
ليه كارهينوا وقلتوا عليه إنه بيهنكوا
رغم إنى لقيته عزة مش زى مانتوا قولتوا
فيه أنا غالية عفيفه جميلة وده اللى غيظكوا
بيه أنا برضي ربي وأطيعوا وده اللى ناقصكوا
بتحاربوه وفى أى مكان حاطينه فى دماغكوا
واضح لما بكون محترمة ده بيجرحكوا
وأما بكون بتمختر وأرقص ده يفرحكوا
عايزني أقول ياشباب أنا جايه أفتنكوا
بصوا عليا ومدوا إيديكوا إيه اللى هممكوا
ماهى دى الألفية وديه الحرية ودى أفكاركوا
ليل ونهار أفلام وأغانى فيها قلعتوا
ضاع الفن وبعته معاه كمان أخلاقكوا
واللى بينشر ليكوا فضيحة كأنه بيكرمكوا
ولا تتضايقوا ولا تتخنقوا ولا يتأنب حتى ضميركوا
بقى معقوله ديه حقوقنا من وجهة نظركوا
لأ سامحونى أنا مقدرش أكون وحده منكوا
بقى ربنا بيحب الستر وبأمره ليكوا بيصونكوا
وأنتوا تقولو لا ده تخلف وإن ده بيسجنكوا
لأسامحونى أنا مقدرش أكون وحده منكوا
ربنا عنده الرحمه وعنده الحكمه أيه فهمكوا
كل اوامره ده الخير ليكوا وده هيسعدكوا
ليه حابين قدام الناس بسهوله تتعرضوا
لأ سامحونى أنا مقدرش أكون وحده منكوا
