د. هانى بخارى
يا سيادة المشير
فيه سؤال..يمكن خطير
أنت ناوي تبقي ريس؟......ولا ناوي تكون وزير؟
يا سياده المشير
خدها مني نصيحه ده أنت.....قلبك أبيض له ضمير
إوعي تنزل للرياسه
ديه مكانتك عندنا..أكبر كتير
ده أنت حامي الثوره..يعني
إنت للثوره سفير
شفت مانديلا ومكانته....هو للزعماء ..أمير
شوفت حسني إيه جري له......ليه تنول نفس المصير
شوفت قذافي وجرايمه...........وسط شعبه..مات حقير
شعبنا فتح عيونه...ومش ح يرضي يعيش ضرير
مش ح يرضي يكون جبان....مش ح يرضي يكون..أسير
مش ح يرضي حد كان مفروض علينا......يبقي ريس أو وزير
ياكل الكافيار وإحنا....أكلنا ..أكل الحمير
نلبس الكستور وهو.......كل أنواع الحرير
شعب مصر عرف طريقه......في الميدان..يبقي المصير
يا سياده المشير
إنت والمجلس جزاكم......ربنا ميت ألف خير
كنتوا للثوره ..حماتها........كنتوا للشعب النصير
د.هاني بخاري
استشارى جراحة عامة
شاعر أطباء الإسكندرية
