تدعي انها مضيفة طيران حاولت خطف اطفال المحامية سمر ذ و الفقار هى وصديقاتها ثم تهرب هى وزوجها
مني عنتر كانت تخطط هى وزوجها لسرقة اسرة قادمة من السعودية ولازالت هاربة
قسم شرطة الاميريةبرئاسة محمد بك جهاد يضبط الجناة في اقل من 24 ساعة بعمل الكمائن اللازمة
مازال البحث جاريا عن منى عنتر وزوجها وتدعي انها مضيفة طيران\
شكر خاص بمحمد بك جهاد رئيس قسم الاميريه علي جهوده فى سرعة ضبط الجناة
اعداد/اكرم الكراني
خاص/جيل يناير
اعداد/اكرم الكراني
الحكاية كما حكتها لنا المحامية سمر ذو الفقار بالتفصيل::
انا مش عايزة تاليف كتير ولا صحافة رخيصة تكتب كلام محصلش دة اللى حصل بالظبط وانا مسؤلة عن كل كلمة فيه اى حد حابب يشتهر عالفاضي ويكتب كلام مش صح انا هقاضيه
انا كان ولادى هيم
وتو قدام عينى وولاد شروق حراااااام اللى حصل فينا دة
مبدئيا انا بعتذر عن عدم الرد وبشكر كل الناس اللى وقفت معانا وجابتلنا حقنا الحمدلله ربنا وقف معانا وطبعا لازم احكى اللى حصل علشان الناس تعرف وتاخد بالها ومتديش الامان لحد واى حد مفكر ان موضوع السرقة والخطف سهل وبيعدى يراجع نفسه ولدين مستقبلهم ضاع بسبب صحاب الزفت السوء واحنا كنا هنضيع بسبب الصحاب الموضوع كبير شوية وتقريبا مسمع جدا
الموضوع باختصار ....
اللى حصل اننا يوم الوقفة كنا محتارين بين ننزل ولا لا نشترى حاجات انا وشروق ومنة وواحدة المفروض كانت صاحبتنا اسمها منى
منى فضلت تزن جامد على شروق علشان تنزل اليوم دة وتقنعها بان ان سمر هتروح معانا علشان عارفة ان شروق مرتبطة بيا جدا وانى واقفة مستنياهم في الشارع طبعا انا رصيدى خلصان وشروق نفس القصة مش عارفين نتكلم اقنعتنا اننا ننزل نروح نشترى للولاد حاجات اللى اسمها( منى) عدت على شروق في البيت اخدتها هى ومنة والولاد وانا استنيتهم باولادى يعدو عليا وقفت تاكسي واصرت هى اللى هتدفع نزلنا اشترينا حاجتنا وقررت لازم نشرب حاجة وهى برضو هتعزمنا فاحنا كنا متاخرين فضلت تقول الناس كلها في الشارع واحنا في وقفة عيد مش هنتاخر طلعنا شربنا عصاير في الكافية والولاد دخلو تويليت ونزلنا انا قولت هطلب اوبر ونخلص شروق قالت لا تاكسي اسرع( منى) بقي صممت انها هتطلب كريم على اعتبار ان جوزها ( مدحت)واخد توكيل من شركة كريم وعنده معرض تاجير سيارات و هى متعودة علي كريم فضلنا واقفين عشر دقايق قدام سور القصر الجمهورى مستنين كريم والولاد بتلعب بلبالونات اللى معاهم وكل دة ها كريم جه قالت حالا فجاة لقينا عربيةهيونداى وقفت وبتدى انتظار قالتله (كريم) قالها اه فركبنا
انا ركبت جنبه بالولاد سارى وصفي وورايا شروق ومنة والولاد ريناد وتيم و(منى)... مشي الكابتن عادى خالص ووقف ف الاشارة اللى قابلته عادى جدا المفروض اننا نكمل الطريق على طول فجاة دخل شارع ضلمة انا قولتله هو حضرتك دخلت كدة ليه مردش عليا وكمل لنص الشارع انا قولت انه بيختصر الشارع دة قريب من مستشفي الزيتون التخصصي فجأة العربية فرملت وطلع مسدس من جانبة وفضل يشتمنا اقذر الشتايم وطلعو كل اللى معاكم الدهب والفلوس والموبايلات بسرعة والا العيال هتموت والا انزلو وسيبو العيال بسرعة لو صوتو هموت الولاد طبعا انا رميتلو الشنطة وشروق رميت ومنة كذلك و(منى) كانت اول واحدة رميت شنتطها فضل حاطط المسدس في صدر صفي وانا اصوت قلعنا الدهب ورمينا الشنط كل واحدة فينا عرفت تخبى تليفون والشنط كان فيها موبايلات وفلوسنا ونزلنا نجرى كان جنب العربية واحد ماسك مطوة راكب عربية تانية بتامنة عشان لو حصل حاجة قالنا ادولو كل اللى معاكو واول مانزلنا العربيتين طلعو يجرو وهو بيجرى خبط اتنين كانو بيجرو على الصويت بتاعنا واحد بيموت ف المستشفي والتانى مش لاقي فلوس يتعالج ومتدشدش وعارضين عليه فلوس عشان يتنازل وفالوقت اللى فضلنا نصوت فيه كانت الشرطة بتلف في الشارع سمعو صوتنا جريو علينا انا طبعا حفظت رقم العربية( اوو 168 ) عربية شرطة ساعدونا ووصلونا القسم والعربية التانية راحت قبضت عليه متلبس هو التانى طلعو لوح فيها ارقام كتير والمسدس والموبايل والفلوس في اللحظة دى منى اختفت بالشنط طبعا المتهمين اعترفو انهم متعودين على كدة وبيخططولنا بقالهم اسبوع يايخطفو العيال يايسرقونا ولو حد كان قاومهم كان مات ومنى بتلح علينا بقالها يومين طبعا دول تنظيم عصابي وقعنا في ايديهم علشان نكشفهم
هى كانت مفكرة اننا هنروح على طول لكن انا اصريت اروح القسم وكلمت اهلى وجوزى في لحظة كانو عندى بعدها عملنا المحضر وفضلو يهدونا واتعرفنا على المتهمين والموبايل بتاعى التانى والمسدس وطبعا تانى يوم روحنا النيابة لاخذ اقوالنا المتهمين بعد مااعترفو بينكرو الواقعة احنا من يوم الوقفة في القسم والنيابة رايحين جاين معلش تعبنا شوية بس لازم نجيب حقنا وبجد انا ككنتش متوقعة كدة من الداخلية انهم هيهتمو وفعل نصفونى وجابولى حقي وحق بنات كتير حصل معاهم كدة انا بشكر رئيس المباحث محمد بيه جهاد وبشكر جميع رؤساء القطاع اللى اهتمو واعتبرونا زى اولادهم وبشكر كل امناء شرطة قسم الاميرية الله ينصركو ويحميكو يارب وطبعا وعدونا اننا هنكون في امان بعد التهديدات اللى جاتلنا من الاهالى والزن والمهاترات
وعرض الرشاوى علشان نتنازل بس دة طبعا مستحيل
اسماء المتهمين
محمد احمد بيشتغل في شركة بترول المفروض
عمرو هيثم طالب في الاكاديمية البحرية
منى عنتر محمد زايد زعيمة عصابة
مدحت جوزها مؤسس التنظيم كله ومتورط في كذا مصيبة تاخده
انا مش هرتاح غير لما منى ومدحت يتقبض عليهم
حسبنا الله ونعم الوكيل ضاع علينا العيد لاسافرنا ولا اتفسحنا ولا قعدنا مع اهالينا منهم لله على الترويع اللى شوفناه
دول منى ومدحت وهى مش مضيفة هى بتدعى انها مضيفة طيران
Share... please
تعديل المتهمين معترفين انهم بيخططولنا بقالهم اسبوع وبيقولو للظباط في واحدة منهم لسة نازلة من السعودية وواحدة منهم محامية وجوزها واهلها معاهم فلوس ومنى اتفقت معانا نسرقهم والمسروقات تتوزع علينا
