أيمن البكري
الخيانه والخداع وأكل أعراض الناس
والغدر والكدب والغش
والناس إل بقت أسيه
ف زمانا داه بقا هي دي السلع إل ماشيه
الكل بيجري علي مكاسب الدنيا
بقينا ف حرب وسباق
نسينا إنها فانيه
وإتعدمت فينا الاءخلاق
وصلنا لدرجه إننا
بنحارب بعض علي الارزاق
من كتر ما أنا شايف
بقيت تايه بقيت خايف ومش عارف
مين الطيب مين الخاين مين إل ماليه الشر
مين المظلوم مين الظالم مين الجاني
بقييييييت
نفسي أرجع طفل من تاني
طفل برئ
مش فاهم أي شئ
بعيد عن صراعكم عليها
الخير والحب ماليه
أكبر حلم بيحلم بيه
لعبه جديده كان نفسوا فيها
ف زمانا بقينا بنعاني
مشفناش ف زمن تاني
أخ بيكسر أخوه
ولا إبن بيرمي أبوه
ولا أب بيدوس علي عرض إبنوا ياهوه
ولا إم باعت بنتها
وسابتها ف حواري الدنيا تتوه
داه عمر الحرام ما كان نافع
ولا الفقر كمان دافع
عشان تأكل حقوق الغير
ولا تفكر عشان غني
إنك بترزق واحد تاني
وإنوا مذلولك وأسير
ولاعشان الفتن ف كل مكان حواليك
يبقي داه عذر مقبول ليك
عشان تعصي ربنا ليل ونهار من غير تفكير
يا إبني إحسبها تلاقيها
أيام وسنين ومسيرها تفوت
ومهما طال عمرك فيها
إنت إتخلقت عشان تموت
نفسي أرجع طفل من تاني
لاكنت أبكي ولا أتألم
ولا كان جرحي هيعلم
ولا أحس إني جبان ضعيف قوي ومسلم
ولا ألاقي الدنيا وخداني
لبحر ذنوب شداني
ولا أطر إني أكدب عشان أجامل واحد تاني
ولا أشوف حقي بيضيع قدامي
وأنا ساكت مش قادر أتكلم
داه الحلال من الحرام مفروق
إختار إنته بقا ودوق
وشيل وزرك علي نفسك
ومتلومش غير نفسك
لما ربنا يحاسبك وتعيش مابين الناس مكروه
معاك كام هو داه تمنك
وهو داه قانون تمنك
بس مش عشان محتاج
تخون إل إئئتمنك
عيش وكمل علي أملك
وخليك فاكر إنك مش هتأخد ف الاءخر
غير كفنك وغير عملك
ياما لسه هتقابل
ناس غداره وناس خاينين
وناس حالفه لتهدك
وناس تسرق الكحل من العين
محدش من جواه باين
إوعاك تتلخبط وتتوه
ياما ناس بتتظاهر ب الخير
وهما حريفة أكل حقوق
وعشان الدنيا هداني
وتوهت ف بحر أحزاني
وكسرني فقري وذلي
وكرهت فيها حرماني
بقيييييت
نفسي أرجع طفل من تاني
