رجوعي في نص الليل دي حاجه متطمنش وقلبي كان مشغول لكيني بقول خير اخبط تقول مين محمد ماهوش موجود دا حتي وانا غايب قلبك علطول مخضوض افتحي يامايا ادخل تقولي تعالي مش مكسوف سايب بنتين نايمين وصاحيه وحديه وقلبي متوغوش والحزن كون كوم وكأنه بيحوش راجع في نص الليل وانا قلبي متوغوش واقولها ماني كبير فاكراني لسه صغير تحط ايديها علي خدها وتبكي اسكت واروح علي دماغها ابوسها وانزل لرجليها تقول هتثبتني المرادي هعديها وتضحك احس الدنيا ضحكتلي والبسمه منها دي حياتي سامحتني دي الضحكه نفسيها والبسمه زييها لكن الغمازات مش فيها بتوصف مين زيي ومين المحظوظه اللي نفس صفاتي واقول انا اطول دي تبقي حياتي دي يامايا شكلها نفسيكي وبتزعل كدا زييكي وحلوه زيك مش لوحديكي وتضحك وتقولي مبروك عليها النكد علي يوميا علي السفره لاهي قعده رومانسيه ولاهي قعده غفر وتقولوا اول طفل اهو حضر روح لجدتك وترموه عليا ساعيتها ويشبط في جالبيتي ويسمع كل حواديتي واحكيله كل عمايلك وكامنك يا واد بتقولي كبرت ومبقتش صغير ومش عارف ان الدنيا بتغيير ولو انت حتي كبرت لساك في نظري عيل لساك تنام علي حجري وماشي علي طوعي وبتنفذ امري حبها يا ولدي لو هي بتحبك واكيد هتلمك مالسهر بره وهي حره لو يوم لغيرها رحت او عنها يوم بعدت هوصيها بس وريتي صورت البنت شوفيها يامايا تلقيها حيرانه ضحكتها في كسوف وفي العفه متخبيه وقلبها مبسوط لو قالولها انها ليا ساعيتها اخاف اشوفها تقول دا عاكسني ويوم يداروها تقول اها دا بردك شايفني لكينها رايداني وطلباني منيكي ولو اتأخرت متصهريش لوحديكي واجي يوميا ابوس رجليكي وادعي ربنا انه يخليكي يامايا احب اكملك اني لسايا في نظرك عيل وماسك في جالبيتك ونفسي يامايا ارجع واسمع حواديتك انا ليكي ومش هرجع تاني متأخر وسامحيني علي الاعيبي عشان انا عيل وشايلاني في عنيكي
