عــــابر سبيــــل(نفسى حد يكتشفنى)

الرجوع إلى قائمة المقالات

عـابر سبيـل(نفسى حد يكتشفنى)
عابر سبيل ناسي الحكاية
مشى ف طريق ما لهوش نهاية
يقول يا دنيا عدي بسلام
بلاش ملاوعه خلاص كفاية
دخنا ف طريق ما لهوش بداية
ونسيت كمان أحكي الحكاية
بدأت حكايتي مع الزمان
لما نسيت شكل المكان
بدأت أروح وأجي بدور
في أي حتة على الأمان
ولما وصلت نص الطريق
لقيتني تايه زى الغريق
هو الأمان راح فين يا ناس
وألا انتهى وخلص خلاص
وزى ما يكون فجأةانقسمت
وساد المكان جراح وصمت
نص بيدور على الحكاية
ونص تانى بيشوف نهاية
كلام كتير دخل عقولنا
وكل كلامنا قصة ورواية
كله كلام ف كلام ويلا
غيب دماغك خليك معايا
قاست قلوبنا كتيروشالت
وأصبح كلامنا كله مرايا
مرايا لجرح مرايا لفرح
مرايا لحزن غطى سمايا
وعابر السبيل نسى البداية
نسى كمان حتى النهاية
وقعد يدور على الحكاية
وعجبي......