سألنى الليل
======
 
سألنى الليل انت مين
ليه بتسهر من سنين
 
ليه انت عايش وحيد
انت عاشق ولا حزين
 
 
قلت ياليل انا الانين
انا كلمه تايهه من سنين
 
انا الاهات انا الدموع
انا اللى قلبى جوايا حبيس
 
القلم فى ايدى صديق
مره اشوفه عدو ومره حبيب
 
القلم فى ايدى ناى
بعزف بيه نغم الحروف
 
ليله يكون العزف حزين
مع الانغام تبكى الحروف
 
ليله يكون النغم جميل
ويا النغم تضحك الحروف
00000
 
لما يكون القمر فى السما
من لحن القلم ترقص النجوم
 
النغم يطلع اغانى
ومع  النغم ترقص الحروف
 
والقمر لما يمشى من السما
تبكى الحروف تدمع النجوم
 
اللحن يطلع حزين
اسمع انا  صراخ الحروف
00000
 
سألنى الليل حبيبك فين
قلتله رحل عنى بعيد
 
قلتله قلبى عايش وحيد
مع وحدتى عايش سعيد
 
قلتله حبيبى عنى بعيد
سابنى فى ليلة العيد
 
زاد فى الاسيه جرحنى
ولا صعبت عليه
 
وادينى عايش وأملى
ارجع تانى ليه
 
هو حبيبى ياليل
اوعى تقلق منامه
 
بلغه شوقى ياليل
لما يفوق من احلامه
 
=======
كلمات الصابر