توبه

==

توبه ان قلت يا حب تانى

توبه ان قلت لحد حبيبى

اصل الحب وجع للقلب

ولا فيه حد لقيته حبيبى

كل ما اقول لقيت الحب

القاه جرح يزيد تعذيبى

......

توبه لو قلتلك تانى

ولو مره انت حبيبى

ياما قلت اشعار ومعانى

وانت بصدك مجافينى

ارجع تانى اقول الحانى

ارجع اقول ليلى ياعينى

.........

توبه ان جتلك مره انادى

ومهما تنادى مش راح اجيلك

ياما كنت عليك بنادى

وانت لا سامع ولا قلت اجيلك

من غدرك نزلت دموعى

وانت بعيد وكأنى غريمك

.......

توبه وخدها منى وعد

هنساك وابعد عن طريقك

توبه وكلامى كله صدق

هنساك وانسى نار تعذيبك

ولو قلبى فى يوم ليك حن

هقوله يا قلبى أنسى وسيبك

لا تقول حبيبى ولا حبيبك

لا تقول نصيبى ولا نصيبك

لو كان حبيبك كان يجبلك

لو كان حبيبك ما كان يسيبك

.......

توبه نقولها انا وانت يا قلبى

توبه مهما كانت مره

اوعى تحن له فى يوم يا قلبى

تقول اشوفه ولو نوبه

أوعى الحب يغريك يا قلبى

تقول اقابله وبعدها توبه

احنا نسينا الحب يا قلبى

وقلنا سوى مليون توبه

=====

كلمات الصابر