مناديل ورق.. ببيعها في إشارة ونفق
وببيع معاها حق عمري اللي اتسرق
مناديل ورق..تمسح على جبينكو العرق
لكنّها الحبل اللي بيه مستقبلي الجاي اتشنق
مناديل ورق..
بتبصّ لي من فوق لتحت كأنّي أتفه م العدم
النظرة دي لو كنت إبنك كنت حتبكى دموع ودم
قافل إزازك زي قلبك وف عينيك منّي قلق
جرّب تشوف ابنك مكاني وبصّ تاني إيه فرق
مناديل ورق..
أنا عمري مااخترت الشوارع تبقى بيتي ومطرحي
كان ممكن ابقى ف حضن بيتك وابنك انت مطرحي
أنا عمري ماكتبت الحكاية لا ف خبر ولا مبتدأ
لكن وانا المُهر الصغيّر فجأة صِرت حصان سبق
مناديل ورق..
إيّاك تكون فاكر شفقتك هي حقّي في الحياة
أنا حقّي حيكون كلمتي لآخر طريقي ومنتهاه
ربّي وربّك قالها عالية إللي ليّه معاك ده حقّ
ولو هاموت مش هانسى حقّي ولا امسحه بمناديل ورق
مناديل ورق. ..........
.......
..... لا تنسوا حق الفقراء عليكم

akramalsayed

مرحبا بك اخي الزائرنرجو ان ينال الموقع اعجابك الكلمة الطيبة جواز مرور إلى كل القلوب

  • Currently 0/5 Stars.
  • 1 2 3 4 5
0 تصويتات / 306 مشاهدة
نشرت فى 30 يناير 2013 بواسطة akramalsayed

ساحة النقاش

اكرم السيد بخيت (الطهطاوي)

akramalsayed
ثقافي اجتماعي ديني »

ابحث

تسجيل الدخول

عدد زيارات الموقع

867,935