كلمات ألبوم "فى حضرة المحبوب"
"فى حضرة المحبوب"
ينطق باسمه الحجر ومافيش نبى زيه
الشمس ويا القمر اتخلقه من ضيه
يا أمنة لما تولد جبريل نزل سماه
الله واحد أحد صلى عليه فى سماه
فى حضرة المحبوب أحمد رسول الله
الروح فى نور بتدوب وعليك سلام الله
رب الحرم والبيت انا تبت مش ندمان
عشمان فى أهل البيت فى المصطفى العدنان
فى الحلم لما بكيت طبطب على كتفى
بتوضى لما صحيت بدموعه فى كفى
ولكل جرح دواه وربنا الشافي
ومفيش ضمير لرضاه لو قلبي مش صافي
عشمى بنظرة رضا والنور على يبان
نور النبى الى اهتدى برحمه من الحنان
باب الشفاعة اتفتح وباذن من الرحمان
وانا حالى لما انصلح كان الرسول فرحان
فى حضرة المحبوب أحمد رسول الله
الروح فى نور بتدوب وعليك سلام الله
رب الحرم والبيت انا تبت مش ندمان
عشمان فى أهل البيت فى المصطفى العدنان
"أكمل نساء العالمين"
قال النبى الله صمد
وخديجة اول من سجد
يرزقنى ربى بحبها ومنها جانى الولد
الله ربى العالمين
هو السلام منه السلام
أكمل نساء العالمين صليت ورا خير الانام
ولما جاله الوحى قال
الله ربى ذو الجلال
بتدفى روحى بالحنان لما ترعشت من السؤال
بتصدقه لو كدبوه
وبترحمه لو عزبوه
الله شاهد على العقول منه الرضا ومنه القبول
والسيده الطاهرة البتول ربت على في بيت الرسول
الحب طاهر يا كريم والرحمة منك يا رحيم
بدموعه يدعى لها النبى
في الجنة بيت ومقام عظيم
"قلبك حنين يا نبى"
قلبك حنين يا نبى ومفيش حنان على كوكبى
الشمس طلعت فى الغروب لما بتزعل ع الصبى
قالي النبى انا مش سعيد عصفورى مات وكان وليد
صلى عشانه ركعتين وفى كل عين دمعة شهيد
من الحب ليه تستغربوا ومن الحقيقة بتهربوا
سيدنا النبى فى بيت الصبى وكل ليله بيلعبوا
نبع الفرح فاض من عينيه لما النبى طبطب عليه
وبرحمته وحنيته صفين ملايكة بين ايديه
البحر تملاه الدموع وندى المحبة على الفروع
يا رسول يا حنان اخر زمن تبكى الصحابة من الخشوع
للحب ناسه الطيبين ومهما بعدوا قريبين
من غير ميعاد رب العباد ينده لهم قلبى الحزين
من الحب ليه تستغربوا ومن الحقيقة بتهربوا
سيدنا النبى فى بيت الصبى وكل ليله بيلعبوا
نبع الفرح فاض من عينيه لما النبى طبطب عليه
ومن رحمته وحنيته صفين ملايكة بين ايديه
"فى عام الحزن"
فى عام الحزن يا نبينا دموعك طاهره تسقينا
واهل الكفر فى زمنهم شايفهم لسه وسطينا
ندهت وقلت مولانا يارب الكون لاتنسانا
بيقفوا صفوف ورجمونى ونور الحق ويانا
الهي حنن الاحجار وطفل جميل من الكفار
يجرى عليك وخير يديك بأذن الواحد الغفار
ملاك ينزل وبيجيلهم و قال من غضبه يا ويلهم
طلبت الرحمة من الرحمان وبدموعك بتدعلهم
رسول الرحمة بتسامح ولو قالو كلام جارح
تقول يارب نجيهم أكيد فيهم واحد صالح
ياطاهر نفسى اكون طاهر من الباطن ومن الظاهر
وما هما أشوف غضب أو خوف أكون شفاف ومش ظاهر
من الدعوات ما شاء الله نخد نفحات رسول الله
ولما مالينا بيعدلنا ويقبلنا بأذن الله
"سعد بن معاذ"
من الانصار وكان واحد من الكفار
وسعد معاذ يا أهل الجنة من الأبرار
جبل م الماس يا أرض الحب يا مدينه
وكل الناس يبايعوا رسول ونبينا
رسول الله فداك أروحنا وعيالنا
فى حب الله ولك ما شأت أمولانا
فى غزوة بدر رسول الله بيستفتيه
فى ليلة القدر اله الكون بيرضا عليه
دموع جبريل نجوم بتدور على صدره
وموته جميل وبفرح لما بفتكره
شهيد الله رسول الله جبر خاطره
ما شا الله بياخد راسه على حجرة
"سيدنا عمر"
على القرآن وع السنه بيتربى ويستغنى
عن الدنيا ومافيها ويوعده ربه بالجنه
عمر بيقول دا يوم سعدى
رسول الله على عهدى
أحب الى من الاصحاب ومن والدى ومن ولدى
فى دين الله افواجا وطلابا وحجاجا
عطية ربه يديها لأفقر منه محتاجا
ومن جبريل فى كل مقام عمر يتعلم الاسلام
رسول الله بيدعيله وبيفسر له في الأحلام
يخاف ابليس يوسوسله ويهرب منه لو شافه
بفيض ربانى موصفله ملايكة تطيرعلى كتافه
يطوف ويصلى فى الكعبة ولا بيخاف من الكفار
دموعه سيول على القبة خشوع للواحد القهار
وبعد ما تنزل السورة يشوروا وأمرهم شورى
رسول الله حبيب الله جميل الطبع والصورة
حلمت كتير أكون بينهم وأعيش في زمانى وزمانهم
رسول الله وأصحابة وأطهر روحى بايمانهم
"اول ساعة فى الأخرة"
فى آخرساعة فى الدنيا و أول ساعه في الاخره
ملاك الموت بيستأذن
رسول الله بتسمحله بأذن الله بتفتحله
ولا بتخاف ولا بتحزن
واقف جبريل بيدعيلك دموع عيشه على سريرك
ملايكة بتقرا فى القران وبتسبح وتستغفر
وموتك فرحه ومقدر ولا دايم غير الرحمن
مفيش لا ميراث ولا وصيه كنوز الدنيا منسيه
لا فرش حرير ولا دنانير
تقول ما أملكش غير وعدك يارب اخترت ما عندك
وعشت فقير وموتت فقير
وفى آخر حجة فى عرفات مشيئة الله ومش صدفة
تودع كل أحبابك
هموت الليلة يا فاطمة مفيش لا حزن ولا أزمة
دموعك نور فى محرابك
يا أطهر ناس على عهدى يا أحباب جاية من بعدى
بصلى الفجر وأدعى لكم ويغفر ربنا ذنوبكم
ونور الهادي فى قلبوكم وفى الكوثر هقابلكم
يكمل دينى من دينكم وأنا دلوقتى ما بينكم
وفي الآخرة أنا معاكم
بوصيكم توصونى وأمانكم تأمنونى
لاتنسونى ولا أنساكم
"لا تحزن"
ما أشجعك ما اطهرك روحك جميله وجوهرك
صليت عليه وآمنت بيه ولا أى شده تغيرك
ابو بكر قال انا مش حقول لو يضربونى بالنعال
ما تطمنونى ع الرسول بعديها هسال على العيال
قال النبى فى أزمته ابو بكر يرحم أمتى
حرر بلال من مال حلال وكان رفيقى فى هجرتى
يا الهى يا رب الحرم ابو بكر ما سجدش لصنم
يفدي رسوله ويفتدى من روحه بيفيض الكرم
فى الغار نبينا يطمنه ويصدقه ويستامنه
ينصرنى الرب وينصره ولا تيأسوا ولا تحزنوا
يا أبو بكر كان قلبك نظيف فرح الرسول بى اسلامك
كان نفسى أكون زيك عفيف وأعيش معك في أيامك
"اهل السعادة"
الارض تبكى يامعين ع اللى في صلاتهم خاشعين
والناس معادن يا على وأهل السعادة قليلين
قلت لصحابه وعزوته أطع واجبلى دعوته
أنا مش رسول ولا نبى لكن أمنت بسنته
لما افتديت النبى ونمت فى مكانه ع السرير
لا خفت من سيف العدو وكان تكالك على البسيط
واللى قلبه مش سليم لامال ولا عيال تنفعه
لو يقرا قرآنه الكريم ربى العظيم حيسمعه
يا أبو الحسن أنا مهما أقول يا ابن عم الرسول
علمك يفيض بمحبته على التلال وع السهول
صلوا عليه وسلمه فى بدر يديله العلم
من حكمته اتعلموا وأمته خير الامم
زى الرسول بعيش فقير وطعامه من خبز الشعير
ومخدته ليف النخيل وكان سريره من الحصير
يا مسلمين مين زيكم سيدنا النبى بيحبكم
يدعى لربه وربكم يوم الحساب يشفعلكم
"سيدنا بلال"
لو سألت أى طفل عن بلال هيعرفه ويوصفه
عبد حبشى بيربطوه بالحبال وربنا بينصفه
يسمع الكفار تقول ع الرسول عن نزاهته وعفته
يدعى للغفار ينول القبول ويجازيه على نيته
لما يسلم يضربوه ويعزبو احد احد احد احد
على رمل سخن بيفردو وبيجلدوه الله صمد منه المدد
صوته الندى كان يحنن الردى ويرق قلبه لو حديد
والجنين لو فى بطن امه بيهتدى والدم يسجد فى الوريد
فى فتح مكة الرسول الامين ياخده معاه فى صحبته
بين صوابعه المفرودين المبروكين نبع صافى بلمسته
مات الرسول الكريم والصحابة بيدفنوه والملايكة بتحرسه
بلال بيبكى فى الأدان ومهما قالوا ويراضوه قال يارتنى اونسه
الرسول المحترم ما كذب وما ظالم والأمان فى حضرته
كان غنى بحنينه وبطهارة الذمم ساب ميراثة لا أمته
ساحة النقاش