شخبطه !! 
-----------
ماشي حياتي ملخبطه 
والحكمه فيها الشخبطه 
والناس بتبحث ع الاساس 
واثاث جنابك ( شرمطه ) 
فاكر بأن الدنيا دار 
دوار ابوك في ( الشقلطه ) 
فاسكت بلاش 
ترمي الحباش 
مافي حد عاش 
في القطقطه 
فنط كلامك وانتبه 
وأعمل حساب للمرمطه 
يلي بيوتك من قزاز 
رجم القوالب جليطه 
امشي عدل 
حير عداك 
تلقى اتعدل 
كل ال وراك 
لا مش (وِراك ) - يا خفيف - تعالى 
بلاش أمور السفسطه 
.
كاتم مواجعى ومنتبه 
أصل الغموس زي المجوس 
حالف ما يتبع ربنا 
قايد نيران الشحططه 
..
ساعتين وحبة ذكريات 
بسرير في وسع المبسطه 
فاكرين زمان حلو الكلام 
الفرح قول مين كان ( شطشطه ) 
كلبين ويعلا نبحهم 
وديوك بتدن ظقططه 
جملين ومين حمللهم 
عنوان بيوتهم فرمطه 
ماشين بفجر وعز ليل 
اصل النهار في الشلفطه 
يا عيون ما تعرف غير تلوم 
ماشي حياتي ملخبطه 
معرفش اكتب ع الهموم 
معرفش اكتب غير شخبطه 
------------------------------ 
محمد عسكر 
اسكندريه في 21 يوليو2018