آه يا زمان العِبَرْ
ع العالي اللي انكسر
....
ع منافق(ن) لَمَع وظَهَر
وصادق(ن) ولَّى واندثر
....
آه يا شقيق الرّوح
ياللي خليت الآه سَكَن(نَّا)
....
رحت وخليت الطاغي ساكِنَّا
غبت وظهرك دِرْتْ إلْنا
....
ما دريت إن الخناجر ما ترهِقِّنَّا
ظلم الحبيب هو اللي قتلنا
هو اللي طعَنَّا
خليت فاسق(ن) فتَنَّا
....
آه يا زمان العِبَرْ
ع العالي اللي انغمر
وع مُحبٍ بالمَقتِ إنقهر
من حبيبٍ تمادى
بعندٍ وجَكَرْ
....
آه يا شقيق الروح
بحلو الكلام غرَّوك
وافتكرت إنهم حَبّوك
باب الحبايب نَسُّوك
وبعطر القساوة رَشُّوك
....
يا كبيرنا إنتْ
يا اللي كنت حِلوِ الشِيَم
ما تحسَبَّنَّ عندهم قِيَم
تدليس(ن)
تحليس(ن)
لشَيْ بخاطرهم يِرْتِسِمْ
....
آه يا زمان العِبَرْ
ع الوفي اللي اندحر
....
لا إنتَ إنحَبيتْ ..
ولا أنا شَيٍّ جَنِيتْ ..
وحـ تعود وتقول
ويلي أنا
إيش سويت
المحبة بإيديَّا فَنيت
وينكم يا حبايب البيت !!
طمعٍ صابني وغير قطيعتي
من احبابي ما جَنيتْ
....
آه يا زمان العِبَرْ
ع العُمر اللي انبتر
والقلب اللي انصهر
وأخ كان شقيق(ن)
وآخٍْ من آخٍ لمّا تنفجر
....
يا الـ الكبير يا اللي دمرت
دار(ن) بجشع(ن)
دفنت ارواح(ن) بحياة(ن)
وما حسَبتها بشر
....
ليت أبوك يا الـ كبير
ما مات ولا انقبر
خلّك مؤمن(ن)
خلّك آدميّ(ن)
خلّك وفيّ(ن)
واوفي العهد والنذر
....
ترى الايمان يا اخوك
مش بس صلاة(ن) وصيام
لا تهضمن حق(ن)
ترى الصدق بعيون
الغير يخليك تكبر
فلا تتكبر
لا تتكبر
ويّا التكبر ترى 
تصغر(ن) وتصغر 
....
ما هقيتك أنك أنَّ
بقادر(ن) على الصدق 
ولا قادر(ن) على الوفا 
هقيتك إنك أن يا الشقيق
بقادر(ن) حق خويّك تاكل 
وبحياته وروحه تتجبر
....
يا شين(ن) من 
قاطع(ن) رحمه
ظايم(ن) اخوه
يا شين شين الأخو و الخبر
ما هقيتك أنك أن اخو 
وهذا الطمع والجشع
والعجرفَة 
عامية فيك 
النظر والبصيرة والبصر
هذا زمانك
زمان(ن) ما خذينا منه غير
الوجعات 
والعبرات والعِبر 
مدري إيش راح تاخذ معاك
لما يتاووك بحفرة القبر !!!!!!
...