المشهد الثاني....
وقت غروب الشمس والبرد يشتد واصبح الثلج يتساقط
ولا يمكن رده او الحصول على الدفء من اي مصدر
جوع وبرد وبكاء الطفلة الصغيرة من الجوع وتطلب الخبز
الذي اصبح حلما وهي ترسمه على الجدران والاوراق
الجميع منهك ومتعب الام تحاول اجاد الطعام والاب يحاول العثور على بعض الاخشاب ليشعلها لافراد اسرته
والاولاد يقومون بنقل الماء للبيت
وصوت الطفلة يصيب الجميع بالغضب 
--------------------------------------------------------------------------------------
يصرخ الزوج على زوجته:
---------------------------
كم مرة طلبت منك تاخذي الولاد لتبعدو عن الحصار
يمكن نموت كلنا كدا
ياربى اعمل فيكي ايه دلوقتي
اذا لقيت طريقة لتخرجي من هنا حتاخدي العيال وتخرجي بيهم وابقى انا والواد الكبير
الزوجة:
--------
ما تتعبش نفسك مش خارجة من هنا الا معاكم كلكم
يانموت كلنا او نعيش كلنا
انت فاهمني
وانا هاقوم واعمل عيش من العدس عشان تتعشوا وتناموا شبعانين
خرجت الزوجة وتركت زوجها الغاضب وهي تبكي
الزوجة : -
--------
يا ربنا ارحمنا وارحم عيالنا
اخذت بعضا من مطحون العدس وبدات تعمل منه عجينا لتصنع منه خبرا
الزوجة تتكلم بصوت تسمعه هي :-
-----------------------------------
دا اللي كان ناقص اعجن واخبز واعمل كل حاجة
انا عاوزة يومين عشان أقدر اخلص كل الشغل دا
وبعد ساعات كان الخبز جاهز ولكنه يكفي لوجبة واحدة فقط
الزوجة :-
--------
الحمد لله مش هينالموا دلوقتى وهمه جعانين
نظرت لزوجها وقالت له:-
------------------------
انا طالعة السطح عشان اكلم شادي
بقالو اسبوع ماكلمناش عاوزة اطمن عليه
الزوج:-
-------
خدي بالك من القناص ليقتلك
الزوجة :-
------
ياراجل محدش بيموت ناقص عمر
وهي الحياة ديه فيها ايه عشان اخاف على روحي
الموت ارحم من دي عيشة
لا حول ولا قوة الا بالله العلي العظيم
.....
اخذت جوالها وتوجهت الى سطح المنزل
ياربى مافيش اشارة عشان اكلم ابني واطمن عليه 
بس حاجرب الاقي شبكة عشان اكلمه
سمعت صوت الرنين وهذا ادخل الفرح لقلبها
الوووووو شادي ابني
شادى :-
------
ايوا يا ماما ازيك وحشاني والله
الأم :
-----
وانت كمان يا ابني طمني عامل ايه دلوقتي
شادى:-
-----
الحمد لله يا ماما وانتوا عاملين ايه 
بسمع ان الناس بتموت عندكم من البرد والجوع
الأم:-
-----
ايوا يابني بس ربنا معانا ماتخفش علينا
....
ماما ادونى اجازة ويمكن انزل الاسبوع الجاي
ازاي اقدر اشوفك واكلمك ولو من بعيد
وحشاني ياماما وانتي اول وحدة عايز اشوفها
وابوس ايديكي ياماما
وكنت بتكلم مع حبيبتى واحكيلها عنك وعن عمي
وبعتلها رقمك عشان تتواصل معاكي
الأم:-
-------.
هي مين ياشادي -أنا أعرفها
شادى :-
-------
ايوا يا ماما تعرفيها بس مش حتفتكريها لانها كانت صغيرة
وقتها واسمها اول حرف من اسمك كمان
بنت خالي إللي ساكن في السعودية عاوز تخطيبها ليا يا ماما
الأم :-
----
الف مبرووووك يا حبيبى ويارب اشوفك عريس منور الدنيا
شادى : -
-----
ماقلتليش ازاي اقدر اشوفك واكلمك
الأم : -
-----
صعب والله ياابني محدش يقدر يوصل لنا هنا
او يشوفنا
شادى :-
------
وازي عمي واخواتي يا ماما
الأم :-
-----
كلنا بخير ياابني وبندعيلك يا حبيبى 
سامعني شادي
الووووووووووو
ربنا يحميك يابني
وتتساقط دموعها وتغار المكان
دخلت البيت وهي ترسم بسمة لتفرح زوجها واولادها
الزوجة :- 
--------
اتكلمت مع شادي وهو بخير وبيسلم عليكوا
وقلي انو خد اجازة ويمكن يخطب
........
لم تسمع ردا لان الظلام منعها من مشاهدتهم وهم نيام