صدى مصر sada misr

رئيس مجلس الإدارة : بكرى دردير رئيس التحرير: منى منصور

بقلم 
حسن غريب 
كاتب روائي ناقد 
~~~~~~~~~~~~~~~~~~~~~~~~~~~~~~~~
_فوق_الأربعين  تقريبا بعد الأربعين بيحصلك حاجه غريبه .. مش بتبقى طايق اى دوشه ولا كلام كتير ولا بتحب تقعد وسط ناس كتير بيجيلك حاله من التشبع بالبشر وتبدأ تصاحب نفسك وتقعد معاها اكتر .. حتى الاغانى اللى كنت بتسمعها بصوت عالي وتشهيص عليها بتلاقي نفسك مش قادر تعلي الصوت اكتر من مستوى معين الي هو يدوب مسمعك .. وبعدين بيجيلك حالة عصبية من صوت الموبيل وغالبا بتعمله صامت .. ده ان فتحت صوته بيكون عشان انت في الشارع بس عشان تسمعه .. وبيروح منك بقى هاجس تغيير نغماته وتحميل اغانى عليه وتحط الحته دى لا تحط الحته دى خلاص بتنتهي تماما من حساباتك وان سمعت اي حاجه تسليك وقت الزهق بيبقى غالبا موسيقى لحد بيعزف جيتار ولا كمان لانك خلاص ذاكرتك ومشاعرك شبعت كلام اغانى اللى خلاص بقى مكرر ومالوش اي تأثير على مشاعرك .
تعالى بقى لعاده غريبه جدا بتكتسبها بعد الأربعين  الا وهي الميل دايما انك تقعد في مكان اضاءته خفيفه و يا حبذا لو مفيش اضاءه اصلا يعنى في بيتك غالبا قاعد في اوضتك وطافي النور وموارب شباكك يدخلك حاجه بس تشوف بيها ... نيجي بقى لاكتر حاجه بتستفز الشخص التلاتيني الا وهي دوشة العيال .. يعنى استحاله تلاقي واحد في الأربعين قاعد في مكان في عيال بتجري وتلعب وتنطط وما يقومش يزعق او يعلن عن غضبه او يكمل قاعده اساسا .. حتى الخروجات بتبقى بالنسبالك ملل لو بروجرام الخروجه هيتضمن وجود ناس كتير معاك بتحس انك من جواك مش قادر تخلق حديث مع اكتر من شخصين ومش قادر تدى انتباه لعدد يتخطى قدرتك عالتحمل وبتقى الخروجه دى بنسبالك مجرد صداع اختارته يجيلك بكامل ارادتك .

luxlord2009

صدى العربية Sada Arabia

  • Currently 0/5 Stars.
  • 1 2 3 4 5
0 تصويتات / 64 مشاهدة
نشرت فى 27 مارس 2017 بواسطة luxlord2009

ساحة النقاش

صدى الأخبار العربية

luxlord2009
Sada Arabic News شعارنا الشفافيه »

صدى العربية

تسجيل الدخول

عدد زيارات الموقع

405,084

صدى العربية

 شارك في نقل الحـدث