صدى الأخبار العربية Sada Arabic News

رئيس مجلس الإدارة : ملكة محمد

د. كاميليا عبد الفتاح

عجزتُ أنا - وصديقتي الإعلامية جيهان جبر - عن إخفاء مشاعر الألم حين سمعنا أطرافًا من قصص حياة المُسنّات - قبل قدومهن إلى الدار - فانتحينا جانبًا ...؛ فرأيناها واجمة ؛ تكاد تبكي ؛ فربتتْ عليها أ. جيهان ؛ فقالت : أنا كنت زيكم كده أول ما اشتغلت هنا ، كنت باموت من البكا كل ما أسمع قصص حياتهم ...وبعدين حاولت أمسك أعصابي علشان أربّي ولادي . سألتها - لنخرج من مناخ نفسي مؤلم : عندك كام ؟ قالت : أربعين سنة ..ابتسمت أستاذة جيهان وقالت لها : عندك كام طفل ؟ قالت أربعة ؛ قلت لها : ربنا يقدرك ويقدر والدهم على تربيتهم . قالت : أنا مطلقة ...سألتها أستاذة جيهان : بيبعت لك اي مصروف ليهم ؟ قالت : ما لهوش دعوة بينا ..خلّف ورمى ...وعايش لنفسه .؛ بيتهرب من ولاده ...أنا باجري على أولادي وربنا يقدرني . سألتُها : أكبر ولادك عنده كام سنة ؟ قالت بابتسامة جميلة : صلاة النبي عنده 17 سنة واللي بعده الصلا ع النبي 14 وكده يعني ... قلت لها : معاكي رجالة بسم الله ماشاء الله ...أولادك معاكي وشايفين حنانك وشقاكي عشانهم ..بكرة أبوهم يكبر ويحتاج لكل واحد منهم يراعي شيخوخته ويسنده ويصرف عليه ..ساعتها مش حيلاقي حد جنبه ، حيتخلوا عنه في ضعفه زي ما اتخلى عنهم في ضعفهم . قالت لها أ. جيهان : ياللا ابتسمي عايزين صورة حلوة معاكي قالت بدهشة - أوجعتْ قلبي - حاتصور ياولاد ؟ أول مرة حد يصورني ....حين فتحت لها الصور تظرت إلى نفسها بفرحة طفولية وهي تردد : أول مرة حد يصورني والله ... ربنا يخليكوا ويستركوا فرحتوني والله يا ولاد ...

luxlord2009

صدى الأخبار العربية Sada Arabic News

  • Currently 0/5 Stars.
  • 1 2 3 4 5
0 تصويتات / 45 مشاهدة
نشرت فى 15 نوفمبر 2016 بواسطة luxlord2009

ساحة النقاش

صدى الأخبار العربية

luxlord2009
Sada Arabic News شعارنا الشفافيه »

صدى الأخبار العربية

تسجيل الدخول

عدد زيارات الموقع

274,553

صدى الأخبار العربية

 شارك في نقل الحـدث