قام أحد الشباب - أحمد الشحات - من المتظاهرين أمام السفارة الإسرائيلية بالقاهرة بتسلق المبنى الذي يقع فيه مقر السفارة الإسرائيلية وتمكن من إنزال العلم الإسرائيلي وحرقه فوق المبنى ووضع العلم المصري مكانه. احتجاجا على أحداث الحدود التى أسفرت عن استشهاد خمس من ضباط و جنود الأمن فى سيناء نتيجة لقصف جوى من العدو الإسرائيلى. 

تعليقات المصريين من تويتر:

بيقولك مرة الصهاينة حطوا سفارتهم في الدور الأخير .. طلع الشباب المصري بيطير

شركة( بامبرز تل أبيب) تعبر عن خالص شكرها لأحمد الشحات..بعد نفاذ مخزون الشركة من الأسواق..وكل علم وانتوا طيبين

بيان 73 من المجلس العسكري الي اسرائيل ..... نعملكوا ايه يعني طلعوا بيمشوا عالحيط

ارتفاع غير مسبوق لمبيعات البامبرز داخل اسرائيل

ﺃﻧﺎ ﻣﺼﺮﻱ ﺇﺫﺍ ﺃﻧﺎ ﺃﺳﺘﻄﻴﻊ، ﺃﻧﺎ ﺍﻟﻤﺴﺘﺤﻴﻞ

ايام حسنى كان الناس بتمشى جنب الحيط - بعد الثورة الناس بتمشى على الحيط

بيان الداخلية: على جميع السفارات طلاء واجهة مقرات سفارتهم بالشحم ليلاًً شباب مصر بيمشى ع الحيط و إحنا معندناش قناصه

زغرتي يا ام مانتيد ...تل ابيب مش بعيد زغرتي يا ام راشيل ...بكره حيرمونا في النيل

زعرتي يا ام شاليط ...عندهم ناس بتمشي علي الحيط زعرتي يا ام مائير ...الدور بكره علي السفير

من ثوار مصر إلي اسرائيل....جزره و جطمها جحش يا ولاد الجحش

كلنا احمد الشــحات .. البطل اللي نزل العلم

حد يصحي كارلوس لاتوف و يقوله يلحق يرسم اهم كاريكاتير عن البطل احمد الشحات :))

العلم الإسرائيلي نكس في نفس اليوم الذي أحرق فيه المسجد الأقصى يوم 21 أغسطس 1969

المواهب اللي زي دي كان مين كابتها؟ مشروع بطل اوليمبي والله اعلم باقي ال80 مليون مصري فيهم ايه من عباقرة علم ورياضة

قال يا إسرائيلين يكفيكوا شر المتسلقين

اسرائيل تعني : أروح أدور أروح أدور ... علي علمي

بالنسبة لي البيان الحقيقي هو اللي طلعه أحمد الشحات مش وزير الإعلام ولا رئاسة الوزراء الخيبة

في انتظار طلوع النهار سريعا لأري علم مصر يرفرف فوق السفارة

كدا رسميا أحمد الشحات صاحب أول طلعة جوية بجد

فرحانين عندكم طيارات بدون طيارين ؟.. احنا عندنا طيارين بدون طيارات

صفحة صوتى يا أم شاليط .. شباب مصر بيمشى ع الحيط... على الفيس

الشباب أول ما عرفوا ان تامر حسني مش نجم جيلهم بقوا بيعملوا معجزات

احمد الشحات هو اللي يستاهل البيبسي

إبقوا إعملوا السفارة الجاية في مركب بقى

عزيزي نتنياهو... حوش أللي وقع منك

مرتضى منصور : الولد ده حرامي شقق ومتسلق مواسير وانا عندي سيديهاته

الشمس بتطلع وعلمنا بيرفرف فوق سفارة العدو عاشت ثورة مصر الحرة

عاجل : عمرو مصطفى : دي مؤامرة علينا من شركة كوكاكولا الشاب اللى نزل العلم سمع إعلان كوكاكولا: إفرد جناحك وطير فى الهوا

متحدث بإسم نتن ياهو ....... لا صحة لأشاعات رسم العلم المصري علي بوكسر نتن ياهو

عاجل | صربيا تبدأ بتعليم كيفية تسلق العمارات وإنزال العلم .

عاوزين نعمل سلاح جديد في الجيش نسميه "سلاح العناكب" فرقة اللواء "احمد الشحات"

الواد قلبه بيوجعه طلع العماره جاب العلم ولعه

عاجل:عصام شرف يتحدث:اتصل بي السفير الاسرائيلي وهو منفعل ويقول:عجبك الشباب واقفين تحت العماره وفي حريم طالعه نازله

وعلى رأى المثل : اللي يتاخد منه علمه ، ممكن يتاخد منه أي حاجه تانية

هتاف: السلاح فين الجنود أهم

عائد من أجمل لحظات الفخر و الإحساس بالكرامة و القوة. الشعب المصري و بس.

http://www.youtube.com/watch?v=-jGKxVZuFl8