قصيده/حبيبتى مش اسم اردده
حبيبتى مش اسم اردده بين الشفايف
تلات حوف صحيح كان منهم الكل خايف
حبيبتى هرم ونيل ونخل ومصايف
وشعب فى عز ازمته بيقول طرايف
وعمرى ماشفت شعب بشجاعته
زى الاسد واقف ومش خايف
بيقول هارفع اسمك امجاد وصحايف
دا الميم مناره والعالم شاهد وشايف
والصاد صبر وايمان وصدر ع الهم كاشف
والراء روايه يحكوها عن صبيه باجمل شفايف
ياسمرا والقلب عشقك يا مركب من غير مجادف
مجدافك هيكون ادينا والحق ف حجاكى واقف
بحبك وحضنك واحشنى والدمع من عينى زارف
نفسى اخدلك بتارك وكتيرفى طريقى واقف
سامحينى يامه لو صوتى مقدرشى يوقف مخالف
عن ظلمه لىه ولغيرى والله مين يبقى عارف
ايه فى الغيب مخبى من دمعى مبقتش شايف
لكن ارجع واقولك طول عمرك ربك نصيرك
بخير اجناد الاراضىحقيقه ومش تعاطف
بقلمى/سحر ابراهيم حراز