انا قلبى حاسس
بان الفارس على الابواب
وجاى وحالف
مليون يمين ليعوضنى عن العذاب
ويمد ايده
بسلاح عدالته
يقطع جدور عمرى اللى شاب
ومعاه وجنبه
يفرح زمانى
وارجع من تانى لسه شباب
وبين احضانى
يسعد خلانى
ووحدتنا تدق على كل باب
وبايد ولادى المخلصين
يعود لى مجدى الدفين
وينزعوا من القاموس كلمه انين
وانا بهم اكيد راح اخطى كل الصعاب
فلاحى يزرع بدون ما يهرمن
وابنى يمشى وهو متطمن
وطبيبنا همه يؤدى واجبه
من غير مايفكر نصيبه كام
ومدرسينى فى الحصه يدوا
بكل امانه ومع الطلبه كله احترام
والطلبه عايشه
عشان تذاكر وتشد حيلى سنين قدام
مش طلبه هايفه كل تفكيرها
اما معاكسه للبنات
او ضرب حقنه وتعاطى برشام
وساعتها بجد
راح ابقى ليكم
اجمل عروسه لاعظم فرسان
مين اللى يقول جاهز بمهرك
واغزل ليكى اجمل فستان