ادور على العدل فى دنيا الالم
اخلوا سبيل الظالمين يا اهل القلم
لامته نفضل مخروسين
وعيونا عامله معصوبين
واقلامنا ف ايدنا مرعوبين
ومحدش مات قبل الاوان قولوا نعم
بحق دم كل شهيد
ودم ثاير فى الوريد
بيقول اهل حق ومش عبيد
هنرجع حق اللى اتظلم
دا شعب داق سنين مرار
من مدعين اصلاح وعمار
من خصخصه وكدب ودمار
فى الزراعه والاعلام والمعمار
وكله اهدار للفقير من غير تمن
يااهل القضاء دى كلمه حق انطقوها
هانت عليكم بلدكم مصر تهينوها
واموال بلدكم عند الغرب بيشغلوها
وشباب بلدنا عندهم كرامته دايما تمتهن
هاصرخ وانادى مش راح اسكت عن اى ظلم
طول السكات ذلنا والهم عم
وبقلمى وانا وقلم كل حر ببلده اهتم
لازم نغير ومن هنا الكل هم
واكيد نكمل الطريق لازم يتم
بقلمى / سحر ابراهيم حراز