عايزه اعيش فى بلادى
يومين من غير زعل
دى الحاله فيها بقت
ياناس تجيب شلل
قلنا الثوره هترجع حقنا
ونعيش يومين فى بلادنا
نسعد ونسعدها بنا
لكن ديول الفساد فى ارضنا
قاعده تخطط تفسد ثورتنا لنا
وحياه دما الشهدا اللى روت ارضنا
ما اسمح لناهب ولا ظالم يموت فرحنا
وهقف وانادى بالمحاكمه للفساد
وتكون محاكمه عادله
وسط الميدان ويشوفها كل العباد
مش ضحك علينا
بمحاكمه من غير وجود المتهم
وان كنت شاطر اثبت بقى يا محترم
هاثبت واقول كل حاجه بدون حرج
عشان اكون قد القلم واللى انكتب
الشعر والقصه اجمل فنون الادب
ليهم حقوق على كل كاتب محترم
وعشان كده هاكتب انا بدون خجل
وبايدى وبايد اخواتى راح نبدا العمل
نارخ للثوره ونلعن الظلمه ونهدم الملل