فى ميعاده جه ومنور
وقلوبنا بفرحه بتغمر
غنى وفقير اتحضر
لصيام وقيام الشهر
ياقلوب تعبانه ذنوب
جالك شهر مكتوب
فرصه غفران لذنوب
تعالوا بنا نستغفر
لاتكون نهايه العمر
رمضان يا شهر اللمه
وياك بتعود الذمه
من بعد خراب الامه
يارب ارشدنا لامر
غيرنا من انفسنا
وقفنا وشيلنا روحنا
على ايدنا وقولنا احرسنا
يالموت يا اما النصر
يارب ف غزوة بدر
فى الشهر حالفنا النصر
وف اكتوبر رمضاننا
النصر حليفنا وجالنا
عقبال القدس وطنا
مايعود فى هذا الشهر
اصلاحى من جوايه
مش صعب ولا هو حكايه
يلا اديكوا معايه
بالنهى او بالامر
مابين صلاه وقران
وقلب بخير مليان
وبذكر الله عمران
ومعانا شويه صبر
اكيد يهون الصعب
ومصر ويا اخواتها
يتلموا بقى ايد واحده
وبسرعه تعود الوحده
اكيد يحالفنا النصر
ياروح رمضان عمينا
ف احضانك بقى ضمينا
تعبنا كتير من غيرك
ياريتك طول العمر