معهد بحثي سمكي من وجهة نظر بعض باحثيه

إعداد/محمد شهاب

هذا الحوار تم خلال شهر يوليو و اكتوبر بين بعض الباحثين في معهد بحثي سمكي، يفترض انه عريق، باعتبار تاريخ إنشاءه، يعكس مدى تغلل التجاوزات (نقولها  تجاوزات تهذبا، بدلا من الاسم الحقيقي لهذا النوع من الأوصاف)، و رأى البعض في رئيس مقبل لمحطة بحثية تتبع نفس المعهد البحثي. و أضعها كما هي دون إجراء تصحيح إملائي. الحوار تم على أكثر من رابط من روابط التواصل الاجتماعي على الانترنت. فقط المقصود توضيح الوضع لمن هم خارج المؤسسات البحثية أو داخلها و لكن لغير المنوه عنها.

م. أ 1/7/2014

كثر الحديث وانتقادتنا عن نفوق كميه من اسماك المياه العزبه البلطى المستزرعه فى الاحواض بالمكس(محطة بحوث المكس-معهد علوم بحار) .. ولانى اعمل مع زملائى عليها فاسمحولى بوضع النقاط فوق الحروف ..
1- حاله مياه مريوط حسب وزارة البيئه اسوء ماتكون وعبارة عن صرف صناعى وصحى
2- التقارير الخاصه بحاله المياه متواجده بالمزرعه و بالتاريخ واليوم
3- نفوق كميات قبل عمليات الصيد نتيجه سوء المياه وارسلت بنفسى للسيد المدير صور وفيديوهات توضح ذلك من خلال الفيسبوك فى رساله
4-  كل رؤساء المحطة السابقين كانو ضد زراعتها وكان هناك اكثر من فكره لتحسين حاله المياه قدر المستطاع لكن بدون امل
5-  رئيس المحطة الحالى الدكتور داليا رافضه لفكرة الزراعه كما انها تم تكليفها لقياده المحطة وهى مزروعه بالفعل فى عهد الدكتور سيد
6- المياه ملوثه والارضيه ملوثه نتيجة تراكمات سنين من التلوث مما دفع قيام
مقاول الاسماك الى التهديد للجوء الى الصحه واسترد اموال التأمين دون اكمال باقى الاحواض
7- كميه الفاقد طبيعيه ولان الدكتور النمر غير متخصص خيل له ان هناك مشكله من القائمين على الاحواض والغريب انهم فكرو فى اعدام الاحواض لسوء حالة المياه والارض

ر.  ر. 2/7/2014

 فين سمك موسي والمحار والكفيار ولما الأرض والميه ملوثين راحت فين وليه فلوس (ملايين) التطوير ولا كان ذاتي

أ. ق. 3 /7/2014

-لا مستاهل لازم الناس تعرف كلها سبب النفوق ايه وزهقنا من قل التبريرات سبب النفوق فى تلوث فى مريوط من زمان فى تلوث مياه الصرف الصحي ومياه االصرف الصناعى واللى هياكل من المنتج ده يبقا بيعرض نفسه للامراض واللى يقول غير كده يثبت

- لازم تعرف ان احنا كنا شغالين زبالين وما زلنا نعمل فى هذا عشان نفسنا المعهد ينضف بس للاسف المعهد يذداد سؤ

أ. ب. 3/7/2014

معروف إن الميه وحشه وامراض وتلوث وخلافه الكلام معلهوش جمارك ومثبوت علميآ الميه والتربه خلي الي يقول يقول وخليه يثبت ويبين السبب اما لوكانت غلطه فده كلام  فهمت مش مستاهله ليه

أ. ق. 3/7/2014

 لازم يثبت الكلام ده لو اثبتو الكلام ده هما عارفين ان المحطه هيجيبو درفها عشان كده اي تحليل عينه بتطلع من المكس استحاله تعرف نتيجته و في الاخر تتلفق اهمال

م. خ. 5/10/2014

مع الاحترام للجميع اقدم منى و اساتذتى بس انا شايف ان الكلام فى الموضوع ده كتير و كله مشاكل و شكاوى طيب بدل ما كل الناس عمالة تكرر فى المشاكل كده و نفس الكلام من تلوث و صرف و غيره يا ريت اللى عنده حل يقوله و يساهم فى انه يبدأ بخطوات صحيحة و فعالة بدل من الشكوى

م. ق20/10/2014

- لفت الدكتور محمد عب الرازق من معهد علوم البحار والمصايد إلى أن إدارة المحطة(محطة بحوث المكس بالإسكندرية) رفضت إقامة مفرخ سمكي و يمكنها فقط إقامة مشروعات خدمية تعود على أبناء المنطقة بالفائدة مثل توصيل الكهرباء أو أي مشروعات أخرى خدمية.

- هناك اخبارا غير مؤكده .. عن تولى احد رئساء المحطة السابقين ادارة المكس المتهاويه مع سبق الاصرار والترصد .. فالقد تولى نفس الشخص ادارة المحطة وفشل فى اضافة اى جديد بل تسبب فى كوارث بين العاملين .. وهذا الشخص ايضا تم طرده من احد المشاريع بطريقه شيك .. الزمن يعود الى الخلف .. وان صحت الاخبار فهى انتكاسه .. وما هو اكبر رصد ملايين للمحطة وزى ما قولت اخبار غير مؤكده ولكن غالبا مايكون غير المؤكد مؤكد غدا .. وننتظر فضائح بالجمله مستقبلا وسيتم رصد كل شيئ فى الفتره القادمة وعلى رجال المكس رصد كل شيئ .. دعوهم حتى يتورطو.

ب. ع 23/10/2014

كل الناس فى المعهد يتنشر وفى مجلات عالميه وعدد كبير جدا منهم لهم كتبهم اللى منشوره فى دور نشر عالميه وفى ناس سبقتك بسنوات ضوئيه ونشرت فى مجله nature العالميه .... ولان حضرتك دايما بتذكر ابحاثك حسالك ايه العائد من اللى انت عملته للبلد من كل ابحاثك العظيمه ... تقدر تجمع مرتبك ومكافاءاتك من يوم ما اتعينك وتحاسب نفسك انت قدمت للبلد ما يوازى الفلوس دى .... تقدر تقولى دور المعهد ايه فى الدوله حاليا غير انه عبئ ثقيل على الميزانيه .... تقدر تقولى المشاريع اللى معاك ومع غيرك قدمت ايه للبلد ... تقدر تقولى الاجهزه اللى بتيجى مع المشاريع دى مين اولى انه يستفيد بيها ابناء المعهد ولا طلبه خارجين وعلى فكره انا معاك ان اللى يتعب من حقه ياخد الدرجه بس الى بيحصل انكم بتفصلوا الدرجات على الطلبه اللى عندكم فى المعامل ولو حد من خارج المعهد شغال فى مجال المعهد واحسن من الطلبه بتوعكم مش حيتعين برضه لان الاعلان مش متفصل عليه..... للعلم حضرتك بتقبل اى حد وهاتلى طالب واحد طلبت من GBA او اى اثبات على تميزه ...... وموضوع محدش بينافسك ده انا شايفه غرور ودى حاجه من عيوبك دائما شايف نفسك العبقرى الذى لا يقارن مثل من قبلك تماما ومن قبلك برضه كانوا بيخلصوا ويطلعوا على معاملهم يشوفوا مشارعهم وشغلهم مش بس انت اللى بتشتغل فى المعمل.

س. س. 24/10/2014

زى اللى عملة عزت عواض وسليمان فى الفيوم ومفرخش ولا سمكة لحد الآن وهى ملايين بتضرب فى الجيوب وكلة بحث علمى

م. ق 24/10/2014

 لا حولا الله فرع إسكندريه مليان بالتعابين ولاحقه فرع السويس أيضا بالتعابين ويليه فرع الغردقه بالمعيز ومحطة الماكس برده بالتعابين وياترى بقيت الفروع مليئه بإيه ؟ ده مبئاش معهد أسماك عفوا ده بقى حديقة حيوانات هو ده الشغل اللى بياخده عليه المرتبات حلو خالص

لمزيد من المعلومات يمكن التواصل مع الروابط التالية المتعلقة بالمزارع السمكية:

http://www.facebook.com/groups/210540498958655/

http://kenanaonline.com/hatmheet

http://kenanaonline.com/users/hatmheet/posts

https://twitter.com/shihab2000eg

http://www.youtube.com/results?search_query=shihabzoo&sm=3

https://www.facebook.com/pages/%D9%88%D9%83%D8%A7%D9%84%D8%A9-%D8%A3%D9%86%D8%A8%D8%A7%D8%A1-%D8%A7%D9%84%D9%85%D8%B2%D8%A7%D8%B1%D8%B9-%D8%A7%D9%84%D8%B3%D9%85%D9%83%D9%8A%D8%A9-Aquaculture-Press/745767408789564