اضرار الترامادول - مستشفى الامل لعلاج الادمان

 


http://www.youtube.com/watch?v=VJ5jmT9pbe4

 

اضرار الترامادول ناس كتيرة بتسأل عن اضرار الترامادول و التأثيرات و المشاكل الى بتحصل فى الجسم نتيجة تناول عقار الترمادول
فى البداية احب اوضح شىء مهم الترمادول زى اى دواء فى الدنيا ليه اثار جانبية ولكن اثار الترمادول الجانبيه قوية 
يعنى ايه اثار جانبية و ايه الفرق بين الاثار الجانبية عن المدى القريب او البعيد او المشاكل الى بيسببها تناول الترامادول
الاثار الجانبيه يعنى لما تاخد الدواء ممكن يحصلك ايه من مضاعفات ؟
  • دوخة, صداع, دوار, نعاس, إمساك, غثيان, إرتباك, هلوسة, عصبية, رعشة, هرش, طفح جلدي, عسر هضم و إنتفاخ, و زغللة في الرؤية.
  • في حالات نادرة قد يسبب: صعوبة في التنفس, خلل بالكبد, تشنجات, متلازمة ستيفن جونسون, قابلية للإنتحار.
  • الدواء قد يسبب التعود و يحتاج المريض إلي زيادة الجرعة بشكل مستمر للحصول علي التأثير المطلوب. و هنا لا يجب إيقافه فجأة بل يتم سحبه بالتدريج.
  • قد يزيد من إحتمالية حدوث تشنجات للمرضي المعرضين لذلك.
  • قد يسبب تثبيط للجهاز العصبي و الجهاز التنفسي.
  • يجب الحرص عند قيادة السيارات أو استخدام الآلات.
  • الاستمرار علي الترامادول لفترات طويلة يمكن أن يسبب الإدمان.
الكلام ده كله بيحصل فعلا مع الاستخدام الى بيستخدم ترمادول او الى ادمن الترمادول بيحصله الكلام ده كله
مع الوقت الجرعات بيتزيد بدل ما هيا حبابية بتبقى 3 او 4 او 6 او 10 او حتى 15 لان مع الوقت الجسم ما بيتأثرش فيه الترمادول ولازم الجرعة تزيد علشان توصل للدماغ او التأثير المطلوب
و مع الوقت بيحصل مشاكل الناس مش واخده بالها منها ان الكبد بيحصله مشاكل و الكلى و الجهاز التنفسى علشان الى بياخد ترمادول بيشرب سجاير كتيرة جدا اكتر من المعدل الطبيعى لان المتعاطى مش بيحس بصدره بدل ما هوا بيحرق علبه ممكن يحرق علبتين او اكتر على حسب و طبعا لازم الشاىء و ما ادراك ما الشاى علشان الدماغ تعلى و الشاي طبعا ليه اضرارة مع الترمادول
الترمادول بيعمل قرحة للمعدة يعنى بيخرم المعدة سواء كان بيضرب على بطن فاضين او حتى اكل قبلها و طبعا معظم المتعاطين للترمادول على بطن فاضية الصبح او فى اى وقت علشان يشتغل بسرعة و يبقى تأثيرة قوى
انت ممكن ما تحسش بالحاجت دى علشان انت متخدر بس الكلام ده كله بيحصل و انت مش دارى للاسف
الترمادول بيعمل امساك قوى جدا ممكن تفضل كذا يوم او حتى اسبوع بدون ما تقرب من الحمام نتيجة تناول الشاى لان الشاى بيعمل امساك و كمان السجاير ده غير الترمادول ذات نفسه بيعمل امساك قوى جدا وممكن من كتر الامساك يعملك بواسير و مشاكل فى الشرج لو جالك بواسير نتيجة لكده احب اقولك اطمن هتتعالج منها و عندى العلاج السحرى ليها و هوا مرهم هيموران من الصيدلية و هو رخيص و اقوى حاجه للحالة دى عن تجربة انا مريت بيها 
بيحصلك طبعا مشاكل نفسه بمعنى انك ساعات بتبقى زهقان و ساعات بتبقى فرحان و ساعات عندك اكتأب و احساس بالذنب لانك بتاخد ترمادول و الترامادول بيأثر على النفسية و الاجهزة الى بتتحكم فى المزاج فى المخ الموضوع ده موضوع طويل وانا هنا بشرح لعامة الناس لكن لو فيه حد عاوز استفسار طبى يتفضل يكتب تعليقة وانا هرد عليه كدكتور دارس فى الموضوع ده و قبل ما اكون دكتور انا مدمن متعافى من الترامادول و مريت بالتجربة دى و لدرجة ان خلصت دراسات عن العقار ده بالذات و عامل المدونة دى مخصوص علشان افيد كل الناس و اساعد كل واحد انه يبطل الترمادول بأذن الله بدون اى عواقب و مشكلات نرجع للموضوع
الترمادول ليه اضرار لا حصر لها والله العظيم واقسم بالله ان الكلام ده حقيقى والناس الى مش حاسه انهارده هتحس بكرة او قريب و افتكرو العبارة دى بجد 
اضرار تانية للترامادول بينقص الوزن بصورة فظيعة علشان طبعا الى بياخد ترامادول مش بيجوع الا قليل حتى لو جاع و اكل الجسم مش بيستفيد من الاكل طبعا قلة الاقل احنا عارفين اضرارها من انيما الى فقر دم الى هزيان الى امساك الى الشعر بيوقع و الجلد بيتأثر الى اخره 
مشكلة تانية حبيت اتكلم فيها لو واحد بيأخد ترامادول نصيحة اياك او انك تشرب معاه اى نوع من الكحوليات لان بيحصل فى الحالة دى تسمم نتيجة تفاعلات جوا الجسم 
انا مهما اتكلم عن اضرار الترمادول سواء على الاجهزة بتاعت الجسم او الجهاز العصبى المركزى او الكهربا افى المخ الى اخره مش هنتهى و هيتحول الموضوع من مبسط الى موضوع طبى معقد
اخر نصيحة فى الموضوع ده تابع مواضيع المدونة و اقرأ كل حاجه وكل صفحة فيها علشان المعلومات مش فى موضوع واحد بس ده فى كل حته فى المدونة و ما تقلقش لازم تقرأ كويس عن الترمادول لو عاوز تبطلة و فى مدونة الترمادول هتلاقى الكورس العلاجى للاقلاع عن الترامادول تابعنا حتى لو لسه بتضرب لانك هتبطل الترمادول عاجلا ام اجلا


  • Currently 0/5 Stars.
  • 1 2 3 4 5
0 تصويتات / 257 مشاهدة
نشرت فى 25 يونيو 2014 بواسطة MuhammadAshadaw

بحث

تسجيل الدخول

مالك المعرفه

MuhammadAshadaw
موقع خاص بمكافحة اضرار المخدرات والتدخين ومقالات اسلامية وادبية وتاريخيه وعلمية »

عدد زيارات الموقع

676,778

المخدرات خطر ومواجهة

مازال تعاطي المخدرات والاتجار فيها من المشكلات الكبرى التي تجتاح العالم بصفة عامة والعالم العربي والإسلامي بصفة خاصة وتعتبر مشكلة المخدرات من أخطر المشاكل لما لها من آثار شنيعة على الفرد والأسرة والمجتمع باعتبارها آفة وخطراً يتحمل الجميع مسؤولية مكافحتها والحد من انتشارها ويجب التعاون على الجميع في مواجهتها والتصدي لها وآثارها المدمرة على الإنسانية والمجتمعات ليس على الوضع الأخلاقي والاقتصادي ولا على الأمن الاجتماعي والصحي فحسب بل لتأثيرها المباشر على عقل الإنسان فهي تفسد المزاج والتفكير في الفرد وتحدث فيه الدياثة والتعدي وغير ذلك من الفساد وتصده عن واجباته الدينية وعن ذكر الله والصلاة، وتسلب إرادته وقدراته البدنية والنفسية كعضو صالح في المجتمع فهي داخلة فيما حرم الله ورسوله بل أشد حرمة من الخمر وأخبث شراً من جهة انها تفقد العقل وتفسد الأخلاق والدين وتتلف الأموال وتخل بالأمن وتشيع الفساد وتسحق الكرامة وتقضي على القيم وتزهق جوهر الشرف، ومن الظواهر السلبية لهذا الخطر المحدق أن المتعاطي للمخدرات ينتهي غالباً بالإدمان عليها واذا سلم المدمن من الموت لقاء جرعة زائدة أو تأثير للسموم ونحوها فإن المدمن يعيش ذليلاً بائساً مصاباً بالوهن وشحوب الوجه وضمور الجسم وضعف الاعصاب وفي هذا الصدد تؤكد الفحوص الطبية لملفات المدمنين العلاجية أو المرفقة في قضايا المقبوض عليهم التلازم بين داء فيروس الوباء الكبدي الخطر وغيره من الأمراض والأوبئة الفتاكة بتعاطي المخدرات والادمان عليها.